ජනාධිපති මාධ්ය උපදේශක ලෙස චන්දන සූරියබණ්ඩාර මහතාත්, ජනාධිපති මාධ්ය අංශයේ ජාත්යන්තර මාධ්ය සහ උපායමාර්ගික සන්නිවේදන අධ්යක්ෂ ලෙස අනුරුද්ධ ලොකුහපුආරච්චි මහතාත් පත් කර තිබේ.
ඔවුන් අද (24) පස්වරුවේ ජනාධිපති කාර්යාලයේදී ජනාධිපති ලේකම් ආචාර්ය නන්දික සනත් කුමානායක මහතා අතින් සිය පත්වීම් ලිපි ලබාගෙන ඇත.
චන්දන සූරියබණ්ඩාර මහතා සිරස මාධ්ය ජාලයෙහි දීර්ඝ කාලයක් සේවය කළ, දශක තුනක පමණ කාලයක මාධ්ය අත්දැකීම් ඇති, ප්රේක්ෂකයින් අතර අතිශයින්ම ජනප්රිය සන්නිවේදකයකු වන අතර ඔහු ලේඛකයකු ද වේ.
ඡායාරූපකරණය සහ ඩිජිටල් ඡායාරූපකරණය පිළිබඳ ගෞරව උපාධිධාරියෙකු වන අනුරුද්ධ ලොකුහපුආරච්චි මහතා ජාත්යන්තර රොයිටර් ප්රවෘත්ති සේවයේ දශක දෙකකට ආසන්න කාලයක් සේවය කළ අයකු වන අතර ඩිජිටල් ඡායාරූපකරණය මෙරට පුවත්පත් කලාවට හඳුන්වා දුන්නේ ඔහු විසිනි.
