බස්නාහිර පළාත් අලුත් සහල් මංගල්‍යය මෙවර කහතුඩුව වෙනිවැල්කොළ දී!

Date:

කොළඹ LNW:බස්නාහිර පළාත් සංස්කෘතික අමාත්‍යාංශය සංවිධානය කරන 2024/25 මහ කන්නයේ අලුත් සහල් මංගල්‍යය මෙවරක් හෝමාගම ප්‍රදේශීය ලේකම් කොට්ඨාශයේ කහතුඩුව වෙනිවැල්කොළ ග්‍රාමයේ වේරගොඩ වෙල්යාය ආශ්‍රිතව පැවැත්වීමට තෝරාගෙන ඇතැයි හෝමාගම ප්‍රාදේශීය ලේකම් බී.ඒ.ඩී.චින්තක මහතා පවසයි.

මාර්තු 28 29 දෙදින පැවැත්වෙන මෙම අලුත් සහල් මංගල්‍යය අදාල චිරාගත සම්ප්‍රදායකූල සියලු චාරිත්‍ර වාරිත්‍ර අනුව ඉටු කිරීමට කටයුතු යොදා ඇතැයි ප්‍රාදේශීය ලේකම්වරයා ප්‍රකාශ කළේ පසුගියදා (23) මේ පිළිබඳව වෙනිවැල්කොළ ශ්‍රී සුදර්ශනාරාම විහාරයේ පැවැති ප්‍රදේශයේ ප්‍රජා සංවිධාන නියෝජිත හමුවේදීය.

ඒ අනුව අලුත් සහල් මංගල්‍ය පෙරහැර,දේව දානය,සර්ව රාත්‍රික ගම්මඩු යාග කර්මය,කිරිඅම්මාවරු දානය,ගරායක් ශාන්ති කර්මය සහ සෙසු පරිවාර පූජා චාරිත්‍රයන් ඉටු කිරීමට නියමිත බව සංස්කෘතික නිලධාරිනී තිසාරා කෝට්ටගේ මහත්මිය පැවසුවාය.

තවද කොළඹට තදාසන්නයේ පිහිටි වෙනිවැල්කොළ‍ ග්‍රාමය තවමත් සාම්ප්‍රදායික වී සහ ගොඩ බෝග කෘෂිකර්මාන්තයේ නිරත ගොවින් විශාල ප්‍රමාණයක් ජීවත් වන ප්‍රදේශයක් බවත්, බස්නාහිර පළාත් ජාතික අලුත් සහල් මංගල්‍යය පැවැත්වීමට වෙනිවැල්කොළ ග්‍රාමය තෝරා ගැනීම සතුට කරුණක් බවය.

අක්කර 160ක පමණ පැරණි කුඹුරු ගොවිතැන් කරන වෙනිවැල්කොළ ග්‍රාමයේ සාම්ප්‍රදායික ගොවීන්150 වඩා සාමාජිකත්වය දරන තම ගොවි සංවිධානය තම ග්‍රාමයේ මෙම අලුත් සහල් මංගල්‍යය පැවැත්වීම ගමට විශාල ආශිර්වාදයක් බව අමා ගොවි සංවිධානයේ ලේකම් නිලාන් අනෝජ් අමරතුංග මහතා පැවසීය.

අමා ගොවි සංවිධානය,කාන්තා ගොවි සංවිධානය,හදබිම අධිකාරියට අනුබද්ධ කාන්තා සංවිධාන,විහාරස්ථ දායක සභාව සහ තරුණ සංවිධානය ඇතුළු ප්‍රදේශය සංවිධාන රැසක් මෙම අලුත් සහල් මංගල්‍යය සාර්ථක කර ගැනීමට සිය සහයෝගය ලබාදීමට මෙහිදී ඉදිරිපත්ව සිටියි.

Share post:

spot_imgspot_img

Popular

More like this
Related

ශ්‍රී ලංකාව ඉන්දියාවට ඉදිරියෙන් සිටි පතායා තරගාවලිය අතර තුර පටාමා සහ රොහාන් අතර හමුවක්

නිශ්මං රණසිංහ  සැප්තැම්බර් 16, කොළඹ LNW: තායිලන්තයේ පතායා හී පැවති ලොව නන්...

හමාස් විනාශ කිරීමේ සැලසුම් වෙනුවෙන් ඊශ්‍රායලයට සිය පුර්ණ සහයෝගය හිමිවන බව ඇමරිකානු රාජ්‍ය ලේකම් කියයි

සටහන: සශිකලා මධුෂාණි සැප්තැම්බර් මස 16: ලෝකය(අවුට්බවුන්ඩ් ටුඩේ): එක්සත් ජනපද...

වැසි තත්වයේ වෙනසක් – අද (16) කාලගුණය

සටහන - රුවන් නෙළුගොල්ල අද (සැප්තැම්බර් 16) දිනයේදී උතුරු,...