ජාත්යන්තර ඔලිම්පික් කමිටුව (IOC) රුසියාවේ යුක්රේන ආක්රමණයට එරෙහිව සිය කණස්සල්ල ප්රකාශ කරමින් තත්ත්වය සමීපව නිරීක්ෂණය කිරීමට සහ රටේ ඔලිම්පික් ප්රජාවේ සාමාජිකයින්ට මානුෂීය ආධාර සම්බන්ධීකරණය කිරීමට කාර්ය සාධක බලකායක් පිහිටුවීමට ද පියවර ගෙන ඇත.එහිදී අයිඕසි ය දැඩිව රුසියාවට විරෝධය පළ කරන්නේ ඔලිම්පික් සටන් විරාම ගිවිසුම නොසළකා රුසියාව කටයුතු කිරීම ගැනය.
ශිත සෘතු ඔලිම්පික් උළෙල ඇරඹි දින ට, දින හතරකට පෙර ආරම්භ වන සටන් විරාමය පැරා ඔලිම්පික් නිමාවන මාර්තු 20 වන දින සිට දින හතක් ඉදිරියට ද වලංගු වේ.රුසියාව බිඳ දමමින් සිටින්නේ ඔලිම්පික් හා බැඳුණු ලෝකයම එකඟතාවයෙන් යුතුව රකින මානුෂිය ගිවිසුමක්ය.
සටන් විරාමයේ ආත්මය යැයි ග්රීක මිත්යා කතාවන්හි හැඳින්වෙන එකෙචේරියා (Ekecheiria) පදනම් කර ගනිමින් ඇති කරගෙන තිබෙන මේ සටන් විරාම සංකල්පය රුසියාව මීට පෙර ද බිඳ දමා ඇති බව ද අයිඕසී ය පෙන්වා දෙයි.
ක්රීඩාවේ සහ ඔලිම්පික් සංකල්පයේ පරමාදර්ශය මත පිහිටා සාමකාමී වඩාත් යහපත් ලෝකයක් අපේක්ෂා කරන ලෙස ලෝකයේ සියලු රටවල් වෙතින් ඉල්ලා සිටින අයිඕසි,ඔලිම්පික් ක්රීඩකයින් විසින් සකස් කරන ලද සහයෝගිතාවයේ සහ සාමයේ ආදර්ශ පිළිපඳින ලෙස ලෝක දේශපාලන නායකයන්ට මෙවර ශිත සෘතු ඔලිම්පික් තරගාවලිය අවාසනයේදී ද සිහිපත් කළේය.ඒ අයිඕසි ප්රධානි තෝමස් බැච් එම තරඟ උළෙලේ සමාප්තියට සම්බන්ධ වෙමින් කරන ලද අදහස් දැක්වීමේදී ය.
නමුත් හිතුවක්කාර රුසියාව ලෝක ප්රජාව මායිම් නොකරමින් යුක්රේනය දෙසට අවි අමෝරාගෙන සිටින අතර මේ ඡායාරූපයේ දැක්වෙන්නේ පෙබරවාරි 24 වන දා යුක්රේනයට එල්ල වූ ප්රහාරයෙන් පසු ජනතාව යුක්රේන අගනුවරින් ඉවත්වෙමින් සිටින අයුරුයි.
RM
