කොළඹ LNW:තමන් හැමවිටම පුතාණෝ සංකල්පය විශ්වාස නොකරන අතර එතනින් එහාට ගොස් දේශපාලනය ගැන ගැඹුරින් හිතන්න අවශ්ය බව එක්සත් ජාතික පක්ෂයේ උප සභාපති නවීන් දිසානායක මහතා පවසයි.
අද තිබෙන්නේ එදා තිබුණ එක්සත් ජාතික පක්ෂය නොවන අතර එය කැඩී ගොස් ඇති බවත් සජබ යද දිනෙන් දින පිරිහෙමින් තිබෙන බවයි ඔහු සඳහන් කරන්නේ.
”මට කණගාටුයි කියන්න,එක්සත් ජාතික පක්ෂය අද එදා තිබුණ එක්සත් ජාතික පක්ෂය නෙවෙයි. එක්සත් ජාතික පක්ෂය කැඩිලා. අපේ රටේ ජනතාවට ශක්තිමත් විපක්ෂයක් තියෙනවද? අද විපක්ෂය නිදි. සජබෙ ශක්තිමත්ව තිබ්බා. නමුත් දවසින් දවස පිරිහෙනවා. ජනාධිපතිවරණයට ප්රේමදාස මහත්තයා දෙපාරක් ඉදිරිපත්වුණා. දෙපාරම පරාදයි. තුන්වෙනි පාර ඉතාම අමාරු වෙනවා. ඒක එතුමා තේරුම් ගන්න අවශ්යයි. අපිටත් හරිගිහිල්ලා නැහැ එතුමාට හරිගිහිල්ලත් නැහැ. ගාමිණීගේ පුතා හැටියට නෙවෙයි මේ කියන්නේ. මම ඔය හැමවෙලාවෙම පුතාණෝ කියන සංකල්පය විශ්වාස කරන්නේ නැහැ. නාමල් හිතනවා නම් මහින්ද රාජපක්ෂයේ ජන්ද එයාට ගන්න පුළුවන් කියල ඒක වෙන්නේ නැහැ. සජිත් එක්කත් මම මේ සංවාදය කළා. ඊට වඩා ගැඹුරට ගිහිලා අපි දේශපාලනය ගැන ගැඹුරට හිතන්න අවශ්යයි.” යනුවෙන් නවින් දිසානායක මහතා පවසයි.
නවීන් දිසානායක මහතා මෙම අදහස් දක්වා සිටියේ මහනුවරදී එක්සත් ජාතික පක්ෂ ක්රියාකාරී හමුවක් අමතමිනි.
ආශිකා බ්රාහ්මණ
