සටහන – නිශ්මං රණසිංහ
පෙබරවාරි 27,(LNW)කොළඹ :
ඔස්ට්‍රේලියාවේ පැවත්වෙන වෘත්තිමය ක්‍රීඩකයින් සහභාගි වන මලල ක්‍රීඩා තරගාවලි කිහිපයකදී සිය හෙල්ල වීසි කිරීම උරගා බැලීම සඳහා ඔස්ට්‍රේලියාවට ගොස් සිටින ශ්‍රී ලංකාවේ හෙල්ල වීසිකිරීමේ ඉසව්වේ ජාතික වාර්තාලාභී රුමේෂ් තරංග මාර්තු පළමුවන දින පර්ති හී දී සිය ප්‍රධාන තරගයකට එක්වීමට පෙර පැවති තරගයකදී මීටර් 82.66 ක දක්ෂතාවයක් දක්වා ජය ගැනීමට සමත් වුණා.
තරගකාරීත්වය අඩු මට්ටමක පැවති තරගයකදී රුමෙෂ් පෞද්ගලිකව මෙවැනි දස්කමට යාමෙන් තහවුරු කරනු ලැබුවේ මාර්තු පළමුවන දා පැවත්වෙන තරගයට ඔහු වඩාත් හොඳින් සූදානම්ව සිටින බවයි. ඔහු ජයගත් තරගයේ තරම එම ප්‍රතිපල ලේඛණය හරහාම වුවත් හඳුනාගත හැකියි.
රුමේෂ්ගේ ශ්‍රී ලංකාවේ පුහුණුකරු ටෝනි ප්‍රසන්නගේ උපදෙස්වලට අමතරව ඔහුට මේ දිනවල ක්වවින්ස්ලන්ත ප්‍රාන්තයේ සිටින සුපිරි හෙල්ල වීසි කිරීමේ පුහුණුකරුවෙකු වන මයික් බාබර්ගේ මඟ පෙන්වීමත් ලැබෙනවා.ඒ නිසා අපි මීට පෙර යෝජනා කළ හැටියට පර්ත් අවට සිටින ලාංකිකයන්ට කාල සටහනෙන් රුමේෂ් තරග වඳින වේලාව දැන ගැනීමට හැකියි.
https://bit.ly/3CWhPfT
එසේම දැනටත් ඔස්ට්‍රේලියාවේ සිටින ලාංකිකයන් යම් පිරිසක් රුමේෂ් වෙනුවෙන් යම් යම් දේ කිරීමට ලංකා නිව්ස් වෙබ් .නෙට් වෙබ් අඩවිය හරහා කෙරුණු ඉල්ලීම් අනුව එකතු වී සිටින අතර ඔවුන්ටද අප රුමේෂ් වෙනුවෙන් සහ ලංකාවේ මලල ක්‍රීඩාව වෙනුවෙන් ස්තූතිය ප්‍රකාශ කර සිටිනවා.
