සටහන – රුවන් නෙළුගොල්ල
විපක්ෂ නායක සජිත් ප්රේමදාස මහතා සහ මෙරට ඔස්ට්රේලියානු මහකොමසාරිස් පෝල් ස්ටීවන්ස් මහතා අතර සුවිශේෂී හමුවක් පසුගියදා (26) පාර්ලිමේන්තුවේ පිහිටි විපක්ෂ නායක කාර්යාලයේ දී සිදුවිය.
මෙම හමුව සඳහා මෙරට ඔස්ට්රේලියානු නියෝජ්ය මහ කොමසාරිස් ලලිතා කපූර් මහත්මියත් ඔස්ට්රේලියානු මහකොමසාරිස් කාර්යාලයේ දෙවැනි ලේකම් මැතිව් ලෝඩ් මහතාත් එක්ව සිටියහ.
එහි දී විපක්ෂ නායක සජිත් ප්රේමදාස මහතා සහ ඔස්ට්රේලියානු මහකොමසාරිස්වරයා අතර මෙරට සමාජ ආර්ථික හා දේශපාලන කරුණු රැසක් සමිබන්ධයෙන් දීර්ඝ වශයෙන් අදහස් හුවමාරු කර ගන්නා ලදී.
විපක්ෂ නායක සජිත් ප්රේමදාස මහතා විසින් වත්මන් රජය ඉදිරිපත් කළ අයවැය සම්බන්ධයෙන් මෙන්ම ඉදිරියේ දී පැවැත්වීමට නියමිත පළාත් පාලන මැතිවරණය සම්බන්ධයෙන් ඔස්ට්රේලියානු මහකොමසාරිස්වරයා දැනුවත් කර ඇති අතර පවතින බංකොලොත්භාවයෙන් රට මුදවා ගැනීම සඳහා ඉදිරියටත් සහයෝගය ලබා දෙන ලෙස ඉල්ලීමක් ද කර ඇති බවයි විපක්ෂ නායක කාර්යාලයේ මාධ්ය ඒකකය සඳහන් කරන්නේ.
