ඉන්ධන ඇනවුම් අවලංගු කිරීමටත් ඉන්ධන බෙදාහැරීමේ කටයුතුවලින් ඉවත් වීමටත් ඉන්ධන බෙදුම්කරුවන්ගේ සංගමය තීරණය කර තිබේ.
ඒ අනුව, දැනට පවතින සංචිත බෙදාහැරීම පමණක් සිදුකිරීමටත් අලුතින් ඉන්ධන ඇනවුම් නොකිරීමටත් ඔවුන් තීරණය කර ඇති බව සඳහන්.
ඉන්ධන බෙදුම්කරුවන්ගේ සංගමය අද (28) පස්වරුවේ කොළඹදී රැස්වී මෙම තීරණයට එළඹ ඇත.
ඒ, ඉන්ධන බෙදුම්කරුවන්ට මේ වන විට හිමිවන 3%ක වට්ටම් මුදල අහෝසි කර, හෙට දිනයේ සිට ක්‍රියාත්මක වන පරිදි නව සමීකරණයකට අනුව ගෙවීම් සිදු කිරීමට ඛණිජ තෙල් නීතිගත සංස්ථාව ගෙන ඇති තීරණයට විරෝධය පළ කරමිනි.
