හිටපු ජනාධිපති මෛත්‍රීපාල සිරිසේන මහතා සමග කිසිදු දේශපාලන සන්ධානයකට නොයන බව උත්තර ලංකා සභාගයේ නායක විමල් වීරවංශ මහතා පවසයි.
ප්‍රශ්නය – මෛත්‍රීපාල සිරිසේන මැතිතුමාත් සංධානයක් හදලා තියෙනවා. පුටුව තමයි ලාංඡනය. ඔබතුමාට ආරාධනාවක් නැද්ද ඒකට ?
“නෑ. ආරාධනාවක් තිබ්බත් මෛත්‍රීපාල සිරිසේනත් එක්ක කරන්න දේශපාලනයක් අපට ඉතුරු වෙලා නෑ”
ප්‍රශ්නය – එතුමා ආරාධනා කළොත් ?
“අපෝ … ආරාධනා කරන එකකුත් නෑ, ආරාධනා කළත් අපි බාරගන්නෙත් නෑ”
ප්‍රශ්නය – ඔබතුමාලා එකපාරක් සන්ධානගත වුණා නේද ?
“ඔව් ඉතින් ඊට පහුවෙනිදාම ඒ සන්ධානය කඩා බිඳ දැම්මේ ඔය සිරිසේන නෙ. එකපාරක් එහෙම කළාම ආයෙ පාරක් අපට පුළුවන්ද ඒ මිනිහාව විශ්වාස කරන්න ? ලංකාවේ අවිශ්වාස කළයුතුම චරිතය තමයි ඒ”
විමල් වීරවංශ මහතා මේ බව පැවසුවේ පෙරේදා (02) පාදුක්ක ප්‍රදේශයේ පැවති කුඩා ජනහමුවකින් අනතුරුව මාධ්‍ය වෙත අදහස් දක්වමිනි.
RN
