රෂිකා හෙන්නායක මාර්තු 04, කොළඹ (LNW):
පසුගියදා ඝාතනයට ලක් වූ, සංවිධානාත්මක අපරාධකරුවෙකු වන සංජීව කුමාර සමරරත්නගේ ඝාතනයෙන් පසු සැඟව සිටින ප්රධාන සැකකාරිය සම්බන්ධයෙන් සාර්ථක තොරතුරක් ලබාදෙන අයෙකුට රුපියල් ලක්ෂ 12ක මුදල් ත්යාගයක් ලබාදෙන බව නිවේදනයක් නිකුත් කරමින් පොලිස් මාධ්ය කෙට්ඨාසය පවසයි.
පිංපුර දේවගේ ඉෂාරා සෙව්වන්දි නැමති වයස අවුරුදු 25 ක් වන කාන්තාව විසින්, මෙම වෙඩි තැබීම සිදුකරන ලද වෙඩික්කරුට ආධාර අනුබල ලබාදුන් ප්රධාන සැකකාරිය වන අතර, වෙඩි තැබීම සිදුකළ දිනයේ සිට මේ වන තෙක් ඇය සැඟව සිටින ස්ථානය සම්බන්ධයෙන් නිසි තොරතුරක් නොමැති බැවින් සැකකාරිය අත්අඩංගුවට ගැනීම සඳහා සාර්ථක තොරතුරක් ලබාදෙන අයෙකුට රුපියල් ලක්ෂ 12 ක මුදල් ත්යාගයක් පිරිනැමීමට පොලිස් මූලස්ථානය තීරණය කර ඇති බව සඳහන් වේ.
සැකකාරිය පිළිබඳ තොරතුරු ලබා දිය හැකි දුරකතන අංක
අධ්යක්ෂ,කොළඹ අපරාධ කොට්ඨාසය – 071-8591727
ස්ථානාධිපති, කොළඹ අපරාධ කොට්ඨාසය – 071-8591735
එම ඝාතනය සම්බන්ධයෙන් කොළඹ අපරාධ කොට්ඨාසය විසින් විමර්ශන කටයුතු සිදු කරන අතර,තොරතුරු ලබාදෙන අයගේ රහස්යභාවය ආරක්ෂා කිරීමට ශ්රී ලංකා පොලිසිය කටයුතු කරනු ඇති බවද දැනුම් දී ඇත.
