සටහන – නිශ්මං රණසිංහ
මාර්තු 05, (LNW)කොළඹ
නවසීලන්තයේ සංචාරයක යෙදෙන ශ්‍රී ලංකා කාන්තා ක්‍රිකට් කණ්ඩායම නවසීලන්තය සමඟ පැවත්වූ පළමු එක්දින තරගයේ තීරණය වර්ෂාවේ බලපෑම මත ජය පරාජයකින් තොරව කෙළවර වුණා.මෙහිදී පළමුවෙන් පන්දුවට පහර දුන් ශ්‍රී ලංකා කණ්ඩායම මත නායිකා චමරි අතපත්තු ලකුණු 9 ට දැවී ගිය පසු යම් පීඩනයක් ගොඩ නැඟුණත්,හර්ෂිතා සමරවික්‍රම පළමු කඩුල්ල දැවීමෙන් පසුව පිටියට පිවිස,වර්ෂාව ඇඳ වැටෙන විටත් නොදැවි කඩුල්ලේ සිටිමින් වටිනා ඉණිමක් දියත් කළා.
තරගය නවතා දමන විට හර්ෂිතා පන්දු 96 ට මුහුණ දෙමින් හතරේ පහර 7 ක් සමඟ නොදැවී ලකුණු 66 ක් ලබාගෙන සිටියා.ලකුණු 30 ක් ලැබූ විශ්මි ගුණරත්න සමඟ දෙවන කඩුල්ල වෙනුවෙන් හර්ෂිතා ලකුණු 45 ක සබඳතාවයක් ගොඬ නැඟුවා.ලකුණු 17 ක් ලබා සිටියදී දුවද්දී දැවී ගිය නිලක්ෂිකා සිල්වා සමඟ හර්ෂිතා ලකුණු 44 ක සබඳතාවයක් ගොඬ නැඟුවේ සිව්වන කඩුල්ල සඳහායි.වර්ෂාව නිසා තරගය නවතා දමන විට ලකුණු පූවරුව දැක් වුණේ කඩුලු 5 ට ලකුණු 147 ක් ලෙසයි.
ඊයේ පළමු තරගයට මුහුණ දුන් මනුදි නානායක්කාර මුහුණ දුන් තෙවැනි පන්දුවේදී ලකුණු 1 ට දැවී ගියා.එය එතරම් සාධාරණ තීරණයක් ලෙස දුටුවේ නැහැ.නමුත් යම් සැකයක් පළ වුණ ද,අවශ්‍යය පුනරූපන දර්ශන දකින්නට ලැබුණු අතර යම් යම් කාරණාවලින් එය පිත්තේ වැදුණු සහ ඇතැම් විට පා ඉන්නට පිටට ඇඳෙන බව දකින්නට ලැබුණා.
කෙසේ වුවත් මනුදි ඊ ළඟ තරගයේදී මේ සිඳුවීම නිසා පිටතින් නොරඳවන බව විශ්වාස අතර තරගය පැවති වේගවත් තණතීරුවේ තිබූ දෝලනය සහ වේගවත් බව සිය පළමු තරගයේදී වර්ෂාව ඇති කළ බාධාව නිසා අත්හදා බැලීම සඳහා චේතනා විමුක්තිට අවස්ථාවක් හිමි වුණේ නැහැ.නවසීලන්ත කණ්ඩායමට ද අලුත් මුහුණු තුනක් කැඳවා තිබුණ අතර ඒ අතරින් ආරම්භක පන්දු යැවීම කළ 21 හැවිරිදි බ්‍රී ඉලින්ග් සිය පන්දු ඕවර් 10 ලකුණු 42 ට කඩුලු 2 ක් සටහන් කරමින් නිමා කර තිබුණා.
https://bit.ly/41ihUTm හරහා තරගයේ සම්පූර්ණ ලකුණු පූවරුවට පිවිසීමට හැකියි.
