නිශ්මං රණසිංහ ,මාර්තු 06 කොළඹ LNW:
ශ්රී ලංකාවේ ප්රමුඛතම පෝෂණ සමාගමක් වන ප්රීමා, කනිෂ්ඨ ගොල්ෆ් සංවර්ධනය සඳහා සිය සහයෝගය පවත්වාගෙන යමින් අඛණ්ඩව 17 වන වසරටත් අනුග්රහය දක්වන ශ්රී ලංකා කණීෂ්ඨ විවෘත ගොල්ෆ් තරගාවලිය 2026 මාර්තු 6 සිට 8 දක්වා නුවරඑළිය ගොල්ෆ් සමාජය (NEGC) කේන්ද්ර කර ගනිමින් පැවත්විමට නියමිතය. පුහුණු වටයක් මාර්තු 5 වන දින පැවැත්වීමට නියමිත අතර සෑම දිනකම උදෑසන 7:30 ට තරග ආරම්භ වීමට නියමිතය. තරඟාවලිය වට 3 කින් යුත් දළ තරඟාවලියක් වනු ඇත. සෑම අංශයකින්ම අඩුම සමස්ත දළ එකතුවක් ලබා ගන්නා ක්රීඩකයා කොට්ඨාශ ජයග්රාහකයා වනු ඇත.
දිට්වා සුළි කුණාටුව හේතුවෙන්, 2025 දෙසැම්බර් මාසයේදී පැවැත්වීමට නියමිතව තිබූ මෙම තරඟාවලිය 2026 මාර්තු දක්වා කල් දැමීමට සිඳු වූ අතර, එයට ශ්රී ලංකාවෙන් සහ විදේශයන්ගෙන් නැගී එන තරු ඇතුළත් වෙනු ඇත.
ශ්රී ලංකා කණිෂ්ඨ විවෘත ගොල්ෆ් ශූරතාවලිය ශ්රී ලංකාවේ ජාතික ශ්රේණිගත කිරීම් සඳහා මිණුම් ලකුණක් ලෙස සැළකෙන අතර, දශකයකට වැඩි කාලයක් ශ්රී ලංකා ගොල්ෆ් සමඟ හවුල් වීමට ලැබීම මහත් වරප්රසාදයක් බව ප්රීමා සමූහ ශ්රී ලංකා හි සාමාන්යාධිකාරී සජිත් ගුණරත්න මහතා සඳහන් කළේය. තරුණ අභිලාෂකාමී ක්රීඩකයින් හඳුනාගෙන ඔවුන් බලගන්වන, ඔවුන්ගේ හැකියාවන් වර්ධනය කර ගැනීමට සහ ක්රීඩාවේ විශිෂ්ටත්වය උරගා බැලීමට සහාය වන ගමනක කොටසක් වීමට සෑම වසරකම අද්විතීය අවස්ථාවකටම තම අනුග්රාහකත්වය සපයන බව සමූහය දැඩි ලෙස විශ්වාස කරන බව ඔහු තවදුරටත් සඳහන් කළේය.
කණිෂ්ඨ ගොල්ෆ් ක්රීඩාවේ ලෝක ආධුනික ගොල්ෆ් ශ්රේණිගත කිරීම් (WAGR) සඳහා මිණුම් ලකුණ ලෙස පිළිගත් ශ්රී ලංකා කණිෂ්ඨ බාලක සහ බාලිකා යන කාණ්ඩ දෙකෙහිම ජාතික කනිෂ්ඨ ශූරයා කිරුළු පළඳවන්නට නියමිතය.
ප්රීමා හි ස්ථිර සහයෝගය ශ්රී ලංකාවේ කණීෂ්ඨ ගොල්ෆ් භූ දර්ශනය සැලකිය යුතු ලෙස හැඩගස්වා ඇත. පසුගිය වසර තුළ, අනුරාධපුර ඇකඩමියේ කනිෂ්ඨ ගොල්ෆ් ක්රීඩකයින් දෙදෙනෙකු වන ආධිත්ය වීරසිංහ සහ ලවිදු ප්රේමරත්න ලෝක ආධුනික ගොල්ෆ් ශ්රේණිගත කිරීමේ තත්ත්වය ලබාගෙන ඇත. ඔවුන් අනෙකුත් ශ්රේණිගත කනිෂ්ඨ ගොල්ෆ් ක්රීඩකයින් වන ජෙවාන් සතාසිවම්, රෙෂාන් අල්ගම සහ කායා දළුවත්ත සමඟ එක්වනු ඇත. ලවිදු ප්රේමරත්න, තේජස් රතිස්කාන්ත්, උධීර බණ්ඩාර සහ ජේකබ් නෝර්ටන් යන අය තුළ කැපී පෙනෙන දියුණුවක් දක්නට ලැබේ. මෙම වසරේ කනිෂ්ඨ විවෘත ජයග්රාහකයා රන් හෝ රිදී කාණ්ඩයට අයත් ක්රීඩකයෙකු විය හැකි අතර එමඟින් තරඟාවලිය වඩාත් තරඟකාරී වේ. පිරිනමනු ලබන අනෙකුත් කාණ්ඩ වන්නේ ලෝකඩ සහ තඹ ය. ක්රීඩක ක්රීඩිකාවන් අතර කාණ්ඩ ජයග්රාහකයින් සඳහා දැඩි තරඟයක් පවතිනු ඇත. තේජාස් රතිස්කාන්ත්, ජනීෂ් වීරසිංහ, කයිට්ලින් නෝර්ටන්, සිතාරා ලොරන්ස්, වෙනුදි කීර්තන, විහාර හේරත්, දුල්කිනි කන්ගරා, ෆාතිමා සීනියා, මුෂ්ෆිරා මුසම්මිල්, යුවන් රතිස්කාන්ත්, තිසුර ප්රේමරත්න, උසාරා නුගේගොඩ, අභිමාන් වීරසිංහ, ජේඩන් සතාසිවම්, අනන්යා ක්රිෂාන්තන් සහ හක්ෂරා ප්රදීප් යන අය ඔවුන්ගේ කාණ්ඩය තුළ ඉහළම ගෞරව සඳහා තරඟ වදින ක්රීඩක ක්රීීඩිකාවෝ වෙති
ශ්රී ලංකා ගොල්ෆ් හි ආසන්නතම හිටපු සභාපති රනිල් පීරිස් පැවසුවේ, “ප්රීමා හි කල් පවතින හවුල්කාරිත්වය SLG සාදරයෙන් පිළිගන්නා අතර ඒ සඳහා කෘතඥ වෙනවා. ප්රීමා මෙම ඉසව්ව අපගේ ජාතික ගොල්ෆ් දින දර්ශනයේ වඩාත්ම ඉල්ලූ තරඟාවලියක් බවට පත් කිරීමට දායක වී ඇත. එය ශ්රී ලංකාවේ තරුණ ගොල්ෆ් දක්ෂතා ප්රදර්ශනය කරන අතර ක්රීඩාව සඳහා ප්රීමා හි කැපවීමට සාක්ෂියකි.”
ශූරතා අනුග්රාහකයා ලෙස, ප්රීමා සන්රයිස් බ්රෙඩ් ශූරතාවලිය පුරා සියලුම ක්රීඩකයින් සඳහා පෝෂණ සහාය ලබා දෙනු ඇත. මාර්තු 8 වන දින සවස 3.00 ට පැවැත්වෙන ත්යාග ප්රදානෝත්සවයකින් තරඟාවලිය අවසන් වේ.
කනිෂ්ඨ සංවර්ධන කමිටුවේ සභාපති කොමදෝරු මංගල මුම්මුල්ලගේ, ප්රීමා හි අනුග්රාහකත්වයේ පුළුල් බලපෑම ඉස්මතු කළේය. “දශකයකට වැඩි කාලයක් ප්රීමා සන්රයිස්ගේ ස්ථිර කැපවීම ශ්රී ලංකාවේ කනිෂ්ඨ ගොල්ෆ් ක්රීඩා භූ දර්ශනය හැඩගැස්වීමේදී පරිවර්තනීය කාර්යභාරයක් ඉටු කර ඇත. ඔවුන්ගේ අඛණ්ඩ සහයෝගය තරුණ ගොල්ෆ් ක්රීඩකයින්ට ජාතික මට්ටමින් විශිෂ්ටත්වයට පත්වීමට සහ ජාතික නියෝජනය කරා ක්රමානුකූලව වර්ධනය වීමට ව්යුහගත සහ තරඟකාරී වේදිකාවක් නිර්මාණය කර ඇත. ශ්රී ලංකා කනිෂ්ඨ විවෘත සහ කලාපීය කනිෂ්ඨ විවෘත තරඟ සඳහා අනුග්රහය දැක්වීම තුළින්, ප්රීමා සන්රයිස් ස්ථාවර තරඟාවලි නිරාවරණයක් ලබා දීම, කුසලතා හඳුනා ගැනීම පෝෂණය කිරීම සහ කනිෂ්ඨ ගොල්ෆ් ක්රීඩකයින්ට ක්රීඩාව තුළ ඉදිරියට යාමට මාර්ගය ශක්තිමත් කිරීම සඳහා උපකාරී වී ඇත.”
2025 ශ්රී ලංකා කනිෂ්ඨ විවෘත ගොල්ෆ් ශූරතාවලිය නැගී එන දක්ෂතා, ජාත්යන්තර මිත්රත්වය සහ ක්රීඩාව සඳහා ප්රීමා හි කල් පවතින කැපවීම පිළිබඳ කැපී පෙනෙන සැමරුමක් වනු ඇත.
තරග පැවත්වෙන වයස් කාණ්ඩ:
විවෘත | රන් අංශය – අවුරුදු 15 සිට 18 දක්වා බාලක සහ බාලිකා
රිදී අංශය – අවුරුදු 13 සිට 14 දක්වා බාලක සහ බාලිකා
ලෝකඩ අංශය – අවුරුදු 11 සිට 12 දක්වා බාලක සහ බාලිකා
තඹ අංශය – අවුරුදු 10 සහ ඊට අඩු බාලක සහ බාලිකා
