සටහන – රුවන් නෙළුගොල්ල
සංචාරක වීසා යටතේ මෙරටට පැමිණ මෙරට ආගමන විගමන නීති උල්ලංඝනය කළ ඉන්දීය ජාතිකයින් 15 දෙනෙකු පිටුවහල් කර තිබේ.
මොවුන් අතරින් දෙදෙනෙකු යාපනය ප්රදේශයේදී පසුගිය 05 වනදා සහ 07 වනදා රෝග සුවකිරීමේ ආගමික මෙහෙයක් පැවැත්වීමට සූදානමින් සිට ඇති අතර ඔවුන්ට එරෙහිව එම ප්රදේශයේ හින්දු සංවිධාන විසින් විරෝධතාවක් ද සංවිධානය කර තිබී ඇත. එහිදී අත් අඩංගුවට ගත් එම පූජකවරුන් දෙදෙනා ඊයේ (මාර්තු 08) අලුයම ඉන්දියාවේ චෙන්නායි බලා පිටුවහල් කර ඇත.
එසේම යාපනය ප්රදේශයේ ලී මඩුවක කැටයම් ශිල්පීන් වශයෙන් සේවය කරමින් සිටි ඉන්දීය ජාතිකයින් 08 දෙනෙකුත් එම ප්රදේශයේ අවන්හල්වල සේවය කරමින් සිටි තවත් ඉන්දීය ජාතිකයින් 05 දෙනෙකු ද අත් අඩංගුවට ගෙන ඊයේ දිනයේදී චෙන්නායි නුවරට පිටුවහල් කර ඇති බව සඳහන්.
ඔවුන් පලාලි ගුවන් තොටුපලෙන් ඉන්දියාවේ චෙන්නායි නුවර වෙත පිටුවහල් කර තිබේ.
