තමන් පන්තිවලට පැමිණෙන සිසුන්ට පහරදෙමින් වධහිංසාවට ලක් කරන ටියුෂන් ගුරුවරයකු පිළිබඳ වීඩියෝවක් පසුගිය දිනවල සමාජ මාධ්‍ය ඔස්සේ සංසරණය වෙමින් තිබිණි.
යෝෂිත හෙට්ටිආරච්චි නම් මෙම ටියුෂන් ගුරුවරයා සම්බන්ධයෙන් විමර්ශනයක් ආරම්භ කළ ජාතික ළමා ආරක්ෂක අධිකාරිය ප්‍රකාශයක් ලබාගැනීම සඳහා ඔහුට අද (11) දිනයේදී පැමිණෙන ලෙස දැනුම් දී තිබිණි.
එහෙත් ඔහු අද දිනයේ එහි නොපැමිණ මගහැර තිබීම හේතුවෙන් ඔහුව අත් අඩංගුවට ගැනීමට කටයුතු කරන බව එම අධිකාරිය පවසයි.
ඒ අනුව මේ සම්බන්ධයෙන් පොලීසියට දැනුම් දී ඇති අතර ඔහුව අත් අඩංගුවට ගැනීම සඳහා පොලීසිය කටයුතු සූදානම් කර ඇති බව සඳහන්.
මෙම ගුරුවරයා ජාතික ජන බලවේගයේ ප්‍රබල ආධාරකරුවකු වන අතර අගමැතිවරිය ඇතුළු ආණ්ඩුවේ ප්‍රබල මැති ඇමතිවරුන් සමග ගත් ඡායාරූප සහ ජාජබ ප්‍රචාරක කටයුතුවල නිරත වෙන අයුරු දැක්වෙන ඡායාරූප ද ඔහු සිය ෆේස්බුක් පිටුවෙහි පළකර තිබෙනු දැකගත හැකිය.
