ආශිකා බ්රාහ්මණ
කොළඹ LNW:ඉරානයට එරෙහිව ඇමරිකාව සහ ඊශ්රායලය ප්රහාර ආරම්භ අකර 13 වැනි දිනය වන විට ඉරානය නව ප්රහාර රැල්ලක් ආරම්භ කර තිබේ.
ඩ්රෝන සහ මිසයිල ප්රහාර වශයෙන් දියත් කරමින් තිබෙන අතර ඉහළ යන ඉන්ධන මිල හමුවේ ඔවුන් තෙල් සංචිත වෙත පහර දීම අරඹා ඇත.
ඒ අනුව ඉරානය ගල්ෆ් කලාපයේ රටවල් තුළ ක්රියාත්මක ඉන්ධන සංචිත හා පිරිපහදු මධ්යස්ථාන වෙත පොකුරු මිසයිල එල්ල කරමින් තිබේ.
ඉරානයට එරෙහි ඇමරිකා-ඊශ්රායල් යුද්ධය මේ වන විට පුද්ගලයින් 2,000 ක් පමණ මිය ගොස් ඇති අතර ගෝලීය බලශක්ති වෙළඳපොළවල් සහ ප්රවාහනය අවුල් ජාලයකට ඇද දමා ඇත.
අද ග්රිනිච් වේලාවෙන් 2:00 වන විට බ්රෙන්ට් බොරතෙල් මිල බැරලයක මිල ඩොලර් 100 ක් පමණ වූ අතර එය යුද්ධය ආරම්භ වීමට පෙර පැවති තත්වයට සාපේක්ෂව සියයට 38 කට වඩා වැඩිවීමකි.
ගැටුම මැද පෙරදිග පුරා පැතිරී ඇති අතර 1970 දශකයේ සිට ඇති වූ දරුණුතම ඉන්ධන කම්පන වලින් එකක් අඩු කිරීම සඳහා උපායමාර්ගික තෙල් සංචිත වාර්තාගත ලෙස මුදා හැරීමට සැලසුම් කර තිබේ.
මේ වන විට ඉරාකයේ සියලුම තෙල් පර්යන්ත මෙහෙයුම් සම්පූර්ණයෙන්ම අත්හිටුවා ඇති අතර වාණිජ වරායන් සාමාන්ය පරිදි ක්රියාත්මකව පවතියි.
ඉරාකයේ බස්රා පළාතේ උම් කස්ර් වරායට පටවා ඇති බොරතෙල් ටැංකි දෙකක් මත පුපුරණ ද්රව්ය පිරවූ බෝට්ටු මගින් එල්ල කරන ලද ප්රහාරවලින් පසුව මෙම තීරණය ගෙන ඇත.
ප්රහාරයෙන් පසු ගලවා ගැනීමේ කණ්ඩායම් එක් මළ සිරුරක් සොයා ගත් අතර තවත් 38 දෙනෙකු ගලවා ගෙන තිබුණි.
මේ වන විට ලෝකයේ තෙල් හා ගෑස් වලින් පහෙන් එකක් රැගෙන යන ජල මාර්ගය වන හෝමූස් සමුද්ර සන්ධියේ ගමනාගමනය ඇත්ත වශයෙන්ම නතර වී ඇති අතර, ඉරානයට එරෙහි යුද්ධය දිගටම පවතින තාක් කල් ගල්ෆ් කලාපයෙන් එක්සත් ජනපදය, ඊශ්රායලය සහ එහි හවුල්කරුවන්ට “තෙල් ලීටරයක්වත්” අපනයනය නොකරන බවටද ප්රතිඥා දී තිබේ.
