2020 දෙසැම්බර් 15 වැනි දින ශ්‍රී ලංකා ආණ්ඩු පක්ෂයේ ප්‍රධාන සාමාජිකයින්ගේ විරෝධය හේතුවෙන් MCC අධ්‍යක්ෂ මණ්ඩලය විසින් අත්හිටුවන ලද US$ 480 Millennium Challenge Corporation (MCC) ගිවිසුම පිළිබඳව නැවතත් සාකච්ඡා වලට එළැඹීමට ශ්‍රී ලංකාව තීරණය කර තිබේ.
MCC හි පෙරටුගාමී නියෝජිතයකු ශ්‍රී ලංකාවට පැමිණෙන බවත් ඔහු විසින් මෙම යෝජිත MCC ගිවිසුම සම්බන්ධ ක්‍රියාකාරකම් නැවත ආරම්භ කිරීම සඳහා අවශ්‍ය සාකච්ඡා සහ ඉදිරි කටයුතු නැවත ආරම්භ කරනු ඇති බවත් ආරංචි මාර්ග පෙන්වා දෙයි. කෙසේ වෙතත්, සති අන්තයේ අදාළ නිලධාරීන් සම්බන්ධ කර ගැනීමේ දුෂ්කරතා හේතුවෙන් රජයෙන් හෝ ශ්‍රී ලංකාවේ එක්සත් ජනපද තානාපති කාර්යාලයෙන් මේ පිළිබදව නිල තහවුරු කිරීමක් සිදු නොවුණි.
ඇමෙරිකාව ප්‍රබල විරුද්ධවාදීන් ලෙස සැලකූ විමල් වීරවංශ සහ උදය ගම්මන්පිල යන අග්‍රාමාත්‍යවරුන් දෙදෙනා සේවයෙන් පහකිරීමත් සමඟ ආධාර දෙන ආයතන සඳහා රට යළි විවෘත කිරීමට රජයට යළිත් උනන්දුවක් ඇති වී ඇතැයි ආරංචි මාර්ග පවසයි.
Covid 19 හේතුවෙන් රට වරින් වර වසා දැමීම සහ ආණ්ඩුවේ දැඩි මතධාරීන්ගේ අභ්‍යන්තර පීඩනය හේතුවෙන් දේශීය මෙන්ම විදේශීය ආදායම් මාර්ග අවහිර වී ඇති බව මුදල් අමාත්‍ය බැසිල් රාජපක්ෂ මහතා පසුගියදා නිල රැස්වීමකදී අවධාරණය කළේය. රට තුළට විදේශ විනිමය ගලා එන සියලු ක්‍රම නැවත සක්‍රීය කිරීම සඳහා හැකි ඉක්මනින් රට යළි විවෘත කළ යුතු බව ඔහු පැවසීය.
