සටහන – රෂිකා හෙන්නායක
මාර්තු 13,, කොළඹ (LNW): අරුගම්බේ පොතුවිල් සංචාරක කලාපයේ හෝටල් කාමරයක් තුළ කාන්තාවක කපා කොටා ඝාතනය කර තිබෙන බව වාර්තා වේ.
පොලීසිය පවසන්නේ, ඝාතනය සිදු කළ පුද්ගලයා ද ගෙල වැලලාගෙන මිය ගොස් ඇති බවයි.
හෝටල් කළමනාකරු පොලීසිය දැනුවත් කර තිබෙන්නේ, අරුගම්බේ සංචාරක කලාපයේ හෝටල් කාමරයක මෙම යුවල නවාතැන් ගෙන සිටි බවත් , ඔවුන් රැඳී සිටි කාමරයේ දොර විවෘත නොකිරීම හේතුවෙන් සැක පල කළ බවයි.
පොලීසිය පවසන්නේ, පසුව කාමරයේ දොර විවෘත කර ඇති අතර එහිදී කාන්තාව කැපුම් තුවාල ලබා මිය ගොස් සිටි බවත් ඇය සමඟ සිටි පුද්ගලයා නාන කාමරය තුළ ගෙල වැලලාගෙන සිටි බවත්ය.
වැඩිදුරටත් පොලිසිය පවසන්නේ, මිය ගිය කාන්තාව වයස අවුරුදු 35 ක් වූ මහකලුගොල්ල ප්‍රදේශයේ පදිංචිකාරියෙකු වන අතර පිරිමි පුද්ගලයා පොතුවිල් ප්‍රදේශයේ පදිංචි 51 හැවිරි අයෙක් බවයි.
