විපක්ෂ නායක සජිත් ප්රේමදාස මහතා අද (14) උදෑසන යාල වනෝද්යානයට ගොස් තිබුණු අතර ඒ සම්බන්ධ වීඩියෝවක් ද සමාජ මාධ්ය තුළ ආන්දෝලනයට ලක්ව තිබිණි.
බොහෝ සමාජ මාධ්ය ක්රියාකාරිකයින් සහ දේශපාලන ක්රියාකාරිකයින් ඊට දැඩි විවේචනාත්මක ප්රතිචාර දක්වමින් සටහන් තබා තිබුණේ රටේ දැඩි ආර්ථික සහ දේශපාලන අර්බුදයක් තිබියදී රටේ විපක්ෂ නායකවරයා යාල සවාරි ගසන බව කියමිනි.
ලංකා නිව්ස් වෙබ් අපි මේ පිළිබඳ කළ විමසීමකදී සජිත් ප්රේමදාස මහතා පැවසුවේ තමන් අද දිනයේදී යාල වනෝද්යානයට ගියේ විනෝද චාරිකාවක් සඳහා නොව අධ්යාපන කටයුත්තක් සඳහා බවයි.
තමන් හදාරමින් සිටින පරිසර විද්යාව පිළිබඳ විද්යාපති (MSc) උපාධි පාඨමාලාවේ 10 වැනි අදියරෙන් 25%ක්ම ඇත්තේ ක්ෂේත්ර අධ්යන කටයුතු බව පැවසූ ඒ මහතා අවස්ථාවක් ලද මොහොතේ අද උදෑසන පැය 3ක කාලයක් එම අධ්යන කටයුතු සඳහා වැය කළ බවයි සඳහන් කළේ.
සබැඳි පුවත් –
