බටලන්ද කොමිසමේ වාර්තාව සම්බන්ධයෙන් එක්සත් ජාතික පක්ෂ නායක, හිටපු ජනාධිපති රනිල් වික්රමසිංහ මහතා විසින් ලබන ඉරිදා (16) පෙරවරුවේ විශේෂ ප්රකාශයක් කිරීමට නියමිතව තිබේ.
1998 වසරේ හිටපු ජනාධිපතිනී චන්ද්රිකා බණ්ඩාරනායක මහත්මියට ලබාදී තිබුණු එම වාර්තාව වසර 27කට පසු අද (14) දිනයේදී සභානායක බිමල් රත්නායක මහතා විසින් පාර්ලිමේන්තුවට ඉදිරිපත් කෙරිණි.
ඒ අනුව, එම වාර්තාවේ කරුණු සහ එම කොමිසමේ නිර්දේශ සම්බන්ධයෙන් රනිල් වික්රමසිංහ මහතා විශේෂ ප්රකාශයක් සිදුකිරීමට නියමිත බව සඳහන්.
ජනතා විමුක්ති පෙරමුණේ දෙවැනි කැරැල්ල මැඩපැවැත්වීම සඳහා එවකට පැවති එජාප ආණ්ඩුව ගෙනගිය දරුණු මර්දනයේදී පවත්වාගෙන ගිය බටලන්ද වධකාගාරය පිළිබඳ තොරතුරු මෙරට දේශපාලනයේදී විටින් විට උඩට මතුවෙමින් යළි යටයමින් තිබුණු අතර මෑත කාලයේ මෙය යළිත් සංවාදයට පැමිණියේ රනිල් වික්රමසිංහ මහතා පසුගිය දිනක අල් ජසීරා නාලිකාව සමග සිදුකළ සම්මුඛ සාකච්ඡාවකදී සිදුවූ ප්රශ්න කිරීම්වලින් පසුව ය.
