එක්සත් ජාතීන්ගේ සංවර්ධන වැඩසටහනේ නේවාසික නියෝජිත අසූසා කුබෝටා මහත්මිය සහ විපක්ෂ නායක සජිත් ප්‍රේමදාස මහතා අතර විශේෂ හමුවක් ඊයේ (16) පැවැත්විණි.
ඒ, කොළඹ විපක්ෂ නායක කාර්යාලයේදී ය.
ප්‍රජාතන්ත්‍රවාදය තහවුරු කිරීම උදෙසා එක්සත් ජාතීන්ගේ සංවිධානය විසින් ගනු ලබන ක්‍රියාමාර්ග පිළිබඳව ප්‍රශංසාව පළ කළ විපක්ෂ නායකවරයා මෙරට මැතිවරණය පැවැත්වීම සහ ඒ හරහා ජනතාවගේ පරමාධිපත්‍ය සහතික කිරීම උදෙසා එම සංවිධානයේ සක්‍රීය මැදිහත්වීමේ අවශ්‍යතාවය පිළිබඳව ද එහිදී අවධාරණය කළේය.
RN