සටහන – පුලී
මාර්තු 19, ලෝකය (අවුට්බවුන්ඩ් ටුඩේ): දකුණු කොරියාවේ වඩාත්ම ජනප්‍රියත්වක් හෙබි රංඟනශිල්පීන් අතර ප්‍රමුඛත්වයක් ගන්නා කිම් සූ-හ්යුන් පිළිබඳ මෑත කාලීනව වැඩි කතාබහට ලක් විය, ඒ කිම් සේ-රොන් සමඟ පෙම් පලහිලව්වක් පැවති බවත් ඉන් ඔහු ඇයට කළ අසාධාරණයක් පිළිබඳ කරුණු අනාවරණය වීමත් සමඟය.
ඔහුගේ දක්ෂතාව සහ ගොඩනගාගත් යහපත් ප්‍රතිරූපය මේ වනවිට පලුදු වෙමින් පවතින අතර ඊට කදිම නිදසුනක් ලෙස ඔහුගේ ඉන්ස්ටග්‍රෑම් අනුගාමිකයන් සංඛ්‍යාව නොසිතූ ලෙසින් පහත වැටී ඇති ආකාරය පෙන්වා දිය හැකිය. මෙලෙස මහජන හැඟීම් ඔහුට එරෙහිව තියුනු ලෙස වෙනස් වීමත් සමඟ දින අටක් ඇතුළත අනුගාමිකයන් මිලියනයකට ආසන්න සංඛ්‍යාවක් ඔහුට අහිමි වී තිබේ.
2022 දී අවිධිමත් රිය ධාවනය හේතුවෙන් මතු වූ සිද්ධියකට සම්බන්ධ වූ හිටපු ළමා නිළියක් වන කිම් සේ-රොන් සමඟ කිම් සූ-හ්යුන්ගේ සම්බන්ධතාවය පිළිබඳව කටකතා මතුවීමෙන් පසුව මතභේදයක් දක්වා එය උද්ගත වී ඇත.
මෙම චෝදනා මතුවීමෙන් පසුව, කිම් සූ-හ්යුන්ගේ අනුගාමිකයින් සංඛ්‍යාව සැලකිය යුතු ලෙස පහත වැටුණි. ඉකුත් මාර්තු 13 වන දින පමණක් අනුගාමිකයින් 494,129 ක විශ්මයජනක අඩුවීමක් ඇතුළුව මාර්තු 10 වන දින සිට ආරම්භ වූ මෙම පහත වැටීම, මාර්තු 11 වන දින ඔහුට අනුගාමිකයින් 1,611 ක් අහිමි වූ අතර, මාර්තු 11 වන දින 20,957 ක්, මාර්තු 12 වන දින 200,152 ක්, මාර්තු 14 වන දින 84,692 ක්, මාර්තු 15 වන දින 52,976 ක්, මාර්තු 16 වන දින 28,801 ක්, මාර්තු 17 වන දින 26,838 ක් සහ මාර්තු 18 වන දින 3,649 ක් ලෙස වාර්තා විය.
මේ අනුව, හිටපු රසිකයන් සමාජ මාධ්‍ය වෙත ඔහු කෙරෙහි වූ තම අතෘප්තිය ප්‍රකාශ කර ඇති අතර, බොහෝ දෙනෙක් මේ සම්බන්ධයෙන් වර්ජනය කරන ලෙස ඉල්ලා සිටිමින් ඔහුට එල්ලව ඇති චෝදනා සම්බන්ධයෙන් පෞද්ගලික කෝපය පළ කර ඇත.
මෙම පරීක්ෂාව සමාජ මාධ්‍යවලට පමණක් සීමා නොවී වර්තමානය වනවිට ඔහු පෙනීසිටි වෙළඳ නාමයන්ට ද මහත් අපකීර්තියක් ගෙන දී තිබේ. විශේෂයෙන්, PRADA සමඟ ඇති කර ගත් ගිවිසුම සම්බන්ධයෙන් ඇති ව ඇති පැනය ඔහුගේ වාණිජ හවුල්කාරිත්වයන්ට පුළුල් බලපෑමක් එල්ල කරනු ඇත.
කිම් සූ-හ්යුන්ගේ ආයතනය විසින් කිම් සේ-රොන් සමඟ ඔහුගේ පෙම් සබඳතා ඉතිහාසය පිළිබඳ චෝදනා ප්‍රතික්ෂේප කර ඇති අතර, මේ වනවිට තත්ත්වය ක්‍රමයෙන් උත්සන්න වෙමින් පවතින බවක් පෙනී යයි. මෙම චෝදනාවන් සහ ඔවුන් දෙපළගේ අවුරුදු 13 ක වයස් පරතරය සැලකිල්ලට ගෙන දැනට පවතින කටකතා සමබරතාවයේ පසු වේ.
https://vt.tiktok.com/ZSMwnbMK3
