කොළඹ LNW:මහ බැංකුවේ කළමනාකාරීත්වය කටයුතු කරන්නේ එහි වෘත්තීය සමිතිවල අවශ්‍යතාව අනුවද යන්න සමඟි ජන බලවේගයේ පාර්ලිමේන්තු මන්ත්‍රී එස්.එම්.මරික්කාර් මහතා ප්‍රශ්න කරයි.
මහ බැංකුවේ ආන්දෝලනාත්මක වැටුප් වැඩිකරගැනීම සම්බන්ධයෙන් සමාජය තුළ මතුව තිබෙන විරෝධයට අනුව මේ වන විට එම වැටුප් වැඩිකිරීම අඩුකිරීමට එකඟවන ලෙස මහ බැංකුවේ කළමණාකාරීත්වය වෘත්තීය සමිති වෙත දැනුම් දීමක් කර තිබෙන අතර ඊට එකඟවිය නොහැකි අතර එසේ වුවහොත් ඒ සම්බන්ධයෙන් මහ බැංකුව ගනු ලැබූ තීරණයන්හි නිරවද්‍යතාව විවාදයට ලක්විය හැකි බවට වෘත්තීය සමිති පෙරළා දැනුම් දී තිබේ.
කෙසේවෙතත් වෘත්තීය සමිතිවලට අවශ්‍ය පරිදි කටයුතු කිරීමට ගොස් රටට සිදුව තිබෙන හානිය පෙනෙන්නට ඇති බවයි මන්ත්‍රීවරයා සඳහන් කරන්නේ.
මහ බැංකුවේ එම වැටුප් වැඩිවීම වැරදි බවට මේ වන විට අධිපතිවරයා සහ කළමණාකාරීත්වය පිළිගෙන ඇති හෙයින් තවදුරටත් වෘත්තීය සමිතිවල අවශ්‍යතාව පරිදි වැඩකරනවාද නැද්ද යන්න පිළිබඳ පැහැදිලි කළ යුතුව ඇති බවද මන්ත්‍රීවරයා අවධාරණය කරයි.
ASK
