සටහන: සශිකලා මධුෂාණි
මාර්තු 20; ලෝකය(අවුට්බවුන්ඩ් ටුඩේ) : ඉරානයේ පිටුබලය ලබන යේමනයේ හවුති සටන්කාමින් සම්පුර්ණයෙන්ම පරජය කරන බව එක්සත් ජනපද ජනාධිපති ඩොනල්ඩ් ට්‍රම්ප් ඊයේ(19)දිනයේදී ප්‍රකශ කර තිබේ.
රතු මුහුදේ දී ඇමරිකානු යුද නැව් ඉලක්ක කිරීම හා ඊශ්‍රායලයට එරෙහිව මිසයිල දියත් කිරීමක් හවුතිවරුන් විසින් ප්‍රකාශයට පත් කිරීමත් සමඟ ජනාධිපති ට්‍රම්ප් ඇමරිකානු වාණිජ හා නාවික යාත්‍රා ලෝකයේ ජල මාර්ගවල නිදහසේ යාත්‍රා කිරීම කිසිදු ත්‍රස්තවාදී බලවේගයකට නතර කළ නොහැකි බව ප්‍රකශ කරමින් යේමනයේ අගනුවර වන සානා වෙත ගුවන් ප්‍රහාර මාලාවක් එල්ල කිරීමට පසුගිය 16වන දා නියෝග කිරීමෙන් අනතුරුව මේ බව ප්‍රකාශයට ත්කර තිබේ.
2023 අගභාගයේදී ඊශ්‍රායලය සහ හමාස් අතර යුද්ධය ආරම්භ වීමෙන් පසු ඉරානයේ පිටුබලය ලත් හවුති කැරලිකරුවන්, හමාස් සංවිධානයට සහය පළකිරීම වෙනුවෙන් පසුගිය වසයෙන් මිසයිල සහ ඩ්‍රෝන යානා යොදා ගනිමින් වෙළඳ නෞකා 100කට අධික සංඛ්‍යාවක් ඉලක්ක කර විනාශ කරණ ලදී.
ඊට ප්‍රතිචාර වශයෙන් අවස්ථා කිහිපයකදී එක්සත් ජනපදය, ඊශ්‍රායලය සහ බ්‍රිතාන්‍යය මීට පෙර යේමනයේ හවුති පාලනය යටතේ පැවති ප්‍රදේශවලට පහර දී ඇති අතර හිටපු ජනාධිපති ජෝ බයිඩන්ද ප්‍රහාර මාලාවක දියත් කරන ලදී.
කෙසේ නමුත්, ඩොනල්ඩ් ට්‍රම්ප් බලයට පත් වීමෙන් අනතුරුව හවුති කැරලිකරුවන් විදේශීය ත්‍රස්තවාදී සංවිධානයක් ලෙස අසාදු ලේඛනගත කළ අතර හවුතිවරුට සහය පළකිරීම සම්බධයෙන් ඉරානයටද අනතුරු ඇඟවීම් සිදුකර ඇත.
