මේ දිනවල තැනින් තැන සිදුවන වෙඩිතැබීම්වලින් ජාතික ආරක්ෂාවට බලපෑමක් නොමැති බව ආරක්ෂක නියෝජ්‍ය අමාත්‍ය, විශ්‍රාමික මේජර් ජනරාල් අරුණ ජයසේකර මහතා පවසයි.
“ජනතාවගේ ආරක්ෂාව අපි සහතික කරලා තියෙනවා. ඒ සම්බන්ධව විශේෂ වැඩපිළිවෙලක් අපි ක්‍රියාත්මක කරලා තියෙනවා. ඔබලාට දැකගන්න පුළුවන් පසුගිය කාලේ කොහොමද ඒ වැඩ කටයුතු අපි කරේ කියලා. විශේෂයෙන්ම පොලීසිය මූලික වෙලා මහජන ආරක්ෂක අමාත්‍යාංශය සියලු වැඩ කටයුතු ඉතාමත්ම සාර්ථකව කරගෙන යනවා. ඒ වගේම ඔවුන්ට විරුද්ධව නීතිමය පියවර, ඒ කටයුතු කරගෙන යනවා. ඉතින් අපි මුළු ලංකාවෙම මහජන ආරක්ෂාව දැනට තහවුරු කරලා තියෙනවා”
ප්‍රශ්නය – ඇමතිතුමා දැන් තැනින් තැන වෙඩිතැබීම් වෙනවා, දකුණේ පාතාලය නැවතත් ඇවිල්ලා තියෙනවා. මේවා මැඩපවත්වන්න ක්‍රියාමාර්ගයක් නැද්ද ?
“නැවත ඒමක් නෙවෙයි, ඒ පාතාල කල්ලිවල ඝට්ඨනයක් යන්නෙ. එහෙම නැතිව මේ ජාතික ආරක්ෂාවට මහ බලපෑමක් නෑ. අපේ මහජන ආරක්ෂක අමාත්‍යාංශය ඒ ගැන ඉතාමත් විශේෂයෙන් වැඩ කටයුතු කරගෙන යනවා. අද මේ ලොකු වැඩකට යන්න තියෙනවා, විනාඩි තුනයි තියෙන්නෙ. බොහෝම ස්තූතියි”
අරුණ ජයසේකර නියෝජ්‍ය අමාත්‍යවරයා මේ බව පැවසුවේ අද (මාර්තු 25) කොළඹදී පැවති උත්සවයකින් අනතුරුව මාධ්‍ය වෙත අදහස් දක්වමිනි.
