සටහන – රුවන් නෙළුගොල්ල
ඩබ්ලිව්. එම්. මෙන්ඩිස් මත්පැන් නිෂ්පාදන සමාගම විසින් පැහැර හැර ඇති බව කියන රුපියල් මිලියන 1035කට අධික වැට් බදු මුදල් රජයට යළි ගෙවා නිම කරන්නේද, නැද්ද යන්න පිළිබඳව ජුනි 25 වනදා දැනුම් දෙන ලෙස කොළඹ මහේස්ත්රාත් අධිකරණය නියෝග කර තිබේ.
ඒ, මෙන්ඩිස් සමාගමේ අධ්යක්ෂවරුන් වන අර්ජුන් ඇලෝෂියස් සහ රන්දිව් දිනේෂ් ජෝෂප් යන අයට එරෙහිව දේශීය ආදායම් කොමසාරිස්වරයා විසින් ගොනුකර ඇති නඩුව ඊයේ (26) කොළඹ අතිරේක මහේස්ත්රාත් ඕෂධ මිගාර ආරච්චි මහතා හමුවේ කැඳවූ අවස්ථාවේදී ය.
නඩුව කැඳවූ අවස්ථාවේදී විත්තිකරුවන් අධිකරණයේ පෙනී නොසිටි අතර ඔවුන් වෙනුවෙන් පෙනී සිටි නීතීඥවරයා, කොළඹ මහාධිකරණයේ පවතින නඩු කටයුත්තක් හේතුවෙන් විත්තිකරුවන්ට මහේස්ත්රාත් අධිකරණයට පැමිණීමට නොහැකි බැවින් නඩුව සඳහා වෙනත් දිනයක් ලබාදෙන ලෙස ඉල්ලා සිටියේය.
