සටහන – නිශ්මං රණසිංහ
මාර්තු 28, කොළඹ (LNW): දකුණු අප්‍රිකාවේ සංචාරයක යෙදෙන ශ්‍රී ලංකා කාන්තා විස්සයි විස්ස කණ්ඩායම මුහුණ දුන් පළමු තරගයෙන් ලකුණු 79 ක පරාජයක් ලබා ගත්තා.කාසියේ වාසිය ලැබූ චමඑි අතපත්තු පළමුව පන්දුවට පහර දීමට දකුණු අප්‍රිකාවට ඇරයුම් කළ අතර ඔවුන් පන්දු ඕවර් 20 නිමාවේ කඩුලු 5 ට ලකුණු 198 ක් ලබා ගත්තා.නායිකා ලෝරා වේල්වර්ඩ්ට් අගනා ශතකයක් ලබා ගනිමින් පන්දු 63 න් ලකුණු 102 ක් රැස් කිරීම දකුණු අප්‍රිකානු ලකණු පූවරුව ඉහළ යන්නට බෙහෙවින් බල පෑවා.
ශ්‍රී ලංකාව වෙනුවෙන් අචිනි කෞශල්‍යයා ලකුණු 39 ට කඩුලු දෙකක් ලබා ගත් අතර ලෝරා හා එක් වූ මාරිෂේන්නේ කේප් පන්දු 40 න් ලකුණු 60 ක් ලබා ගනිමින් දෙවන කඩුල්ල ලකුණු 116 ක සබඳකාවක් ගොඩ නඟන්නට දායක වුණා.
පිළිතුරු ඉණිමේ දී චමරි අසාර්ථක වූ අතර විශ්මි ගුණරත්න ද අසාර්ථක වූ නිසා පසු පෙළට පීඩනය කාන්දු වුණා.එහෙත් තෙවන කඩුල්ල වෙනුවෙන් ලකුණු 44 ක සබඳතාවයක් පවත්වන්නට හර්ෂිතා සමරවික්‍රම සහ හෂිනි පෙරේරා සමත් වුණා.හර්ෂිතා ලකුණු 38 ක් පන්දු 33 න් ද,හෂිනි පන්දු 18 න් ලකුණු 30 ක් ද ගෙන ගත් උත්සාහයෙන් පසුව ශ්‍රී ලංකා ඉණිම පන්දු 18 ත2 දී සියලු දෙනා දැවී යන තත්ත්වයට පත් වුණා.
ලකුණු පූවරුවට පහතින් පිවිසය හැකියි.
https://www.espncricinfo.com/series/sri-lanka-women-in-south-africa-2023-24-1398245/south-africa-women-vs-sri-lanka-women-1st-t20i-1398261/full-scorecard
