රෂිකා හෙන්නායක මාර්තු 31 , කොළඹ (LNW):
මෙරට සෑම පැය 04කට වරක් රිය අනතුරකින් වටිනා මිනිස් ජීවිතයක් අහිමි වන බව සෞඛ්‍ය අමාත්‍ය වෛද්‍ය නලින්ද ජයතිස්ස මහතා පවසයි.
මේ වනවිට එය පාලනය කළ නොහැකි අභියෝගයක් වී ඇති බවත් , මාර්ග අනතුරු වළක්වා ගැනීම සදහා ක්‍රමවත් සහ ස්ථීරසාර අඛණ්ඩ වැඩපිළිවෙළක් නොතිබීම හේතුවෙන් වටිනා ජීවිත අකාලයේ අහිමිවීම අතිශය ශෝචනීය තත්ත්වයක් බව ද අමාත්‍යවරයා පැවසීය.
රිය අනතුරු සහ මාර්ග අනතුරු වළක්වා ගැනීම සම්බන්ධව විද්‍යාත්මක සොයා බැලීමක්,පර්යේෂණ වැඩසටහන් හෝ අධ්‍යයනයක් මෙරට තුළ සිදුනොවීම කනගාටුවට කරුණක් බව, අමාත්‍යවරයා වැඩිදුරටත් පැවසුවේය.
