සටහන – රෂිකා හෙන්නායක
අප්රේල් 01, , කොළඹ (LNW): අවිධිමත් විදේශ ගමන් බලපත්රයක් මඟින් විදේශගත වීමට තැත් කළේ යැයි කියන සිද්ධියක් සම්බන්ධයෙන් චෝදනා ලැබ සිටි, පාර්ලිමේන්තු මන්ත්රී විමල් වීරවංශ මහතා එම විදේශ ගමන් බලපත්ර නඩුවෙන් නිදොස් කොට නිදහස් කර තිබෙන බව පැවසේ.
ඒ එම නඩුව අද (01) මීගමුව මහේස්ත්රාත් අධිකරණය ඉදිරියේ කැඳවූ අවස්ථාවේදීයි.
විමල් වීරවංශ මහතා විදෙස් ගතවීම සඳහා කටුනායක ආගමන විගමන නිලධාරීන් වෙත ඉදිරිපත් කළ විදේශ ගමන් බලපත්රය පරිගණක පද්ධතියට යොමුකර පරීක්ෂා කිරීමේදී එය අක්රිය ගමන් බලපත්රයක් බව පැහැදිලි වී තිබූ අතර, ඒ බව ඔහුට දැන්වීමෙන් පසු වලංගු විදේශ ගමන් බලපත්රය රැගෙන එන බව පවසමින් විමල් වීරවංශ මහතා ගුවන් තොටුපළ ආගමන විගමන කාර්යාලයෙන් පිටත්ව ගියේ යැයි විදේශ ගමන් බලපත්ර දෙකක් භාවිත කළේ යැයි කියන සිද්ධියක් සම්බන්ධයෙන් පාර්ලිමේන්තු මන්ත්රී විමල් වීරවංශ මහතාට එරෙහිව අපරාධ පරීක්ෂණ දෙපාර්තමේන්තුව මගින් 2015 වසරේදී නඩු පවරා තිබුණි.
