සටහන – රෂිකා හෙන්නායක
අප්‍රේල් 03 , කොළඹ (LNW): හෙට (04) දිනයේ, පාස්කු ප්‍රහාරය සම්බන්ධයෙන් කළ ප්‍රකාශයට අදාළව නැවත අධිකරණය හමුවේ ප්‍රකාශයක් ලබාදීමේ අවශ්‍යතාවයක් නොමැති බව හිටපු ජනාධිපති මෛත්‍රීපාල සිරිසේන අධිකරණයට දැනුම්දී ඇති බව සඳහන් වේ.
සිය නීතිඥවරු මාර්ගයෙන් මෝසමක් ගොනු කරමින් හිටපු ජනාධිපතිවරයා මාලිගාකන්ද මහෙස්ත්‍රාත් අධිකරණය වෙත මේ බව දැනුම්දී ඇත.
හිටපු ජනාධිපතිවරයා මෙම කරුණු දැක්වීම සිදුකර ඇත්තේ, පාස්කු ප්‍රහාරය සම්බන්ධයෙන් කළ ප්‍රකාශයට අදාළව මේවනවිටත් තමන් අපරාධ පරීක්ෂණ දෙපාර්තමේන්තුව හමුවේ දීර්ඝ ප්‍රකාශයක් ලබාදී ඇති බව පෙන්වාදෙමිනි.
