පොලිස්පතිවරයා ශ්රී ලංකා මානව හිමිකම් කොමිසම වෙත කැඳවා තිබෙනවා. එම කොමිසම පොලිස්පතිවරයා වෙත දන්වා තිබෙන්නේ ලබන අඟහරුවාදා (05) මානව හිමිකම් කොමිසම හමුවේ පෙනී සිටින ලෙසයි.
පසුගියදා මිරිහාන ප්රදේශයේ පැවති විරෝධතාවය අතරතුර විරෝධතාකරුවන්ට එල්ල වූ ප්රහාරය සම්බන්ධයෙන් සිදු කරන විමර්ශනවලට අදාලවයි පොලිස්පතිවරයා කැඳවා තිබෙන්නේ.
අදාල පහරදීම මානව හිමිකම් කොමිසම දැඩිලෙස හෙළා දකින බව කොමිසමේ සභාපති, හිටපු ශ්රේෂ්ඨාධිකරණ විනිසුරු රෝහිණි මාරසිංහ මහත්මිය සඳහන් කරනවා.
අද රැස් වූ මානව හිමිකම් කොමිසම, විරෝධතාවලදී සිදුවන පොලිස් පහරදීම් සම්බන්ධයෙන් විමර්ශන පැවැත්වීමට තීරණය කර තිබෙනවා. ඒ අනුව අනුරාධපුර ප්රදේශයේ විරෝධතාවක් අතරතුර සිදුකළ පහරදීමක් සම්බන්ධයෙන්ද විමර්ශනයක් සිදු කිරීමටද තීරණය කර තිබේ. එම පහරදීමට සම්බන්ධ බවට සැක ජ්යෙෂ්ට පොලිස් අධිකාරීවරයෙකුද අඟහරුවාදා මානව හිමිකම් කොමිසම වෙත කැඳවා තිබේ.
UN
