කොළඹ LNW:අනුර කුමාර දිසානායක ජනාධිපති වූ පසුව රනි,අර්ජුන් මහේන්ද්‍රන්,බැසිල් රාජපක්ෂ, නාමල් රාජපක්ෂ වැනි අය ඇතුළට දමාවි යන්න හිතුවද සිදුවුණේ ඔවුන්ම පවසන පරිදි නිර්ධන පන්තියේ නියෝජනයක් වූ චාමර සම්පත්ට අත තැබීම බව සර්ව ජන බලයේ පාර්ලිමේන්තු මන්ත්‍රී දිලිත් ජයවීර මහතා පවසයි.
නමුත් ජනතාව බලාසිටින්නේ රනිල් වික්‍රමසිංහ සම්බන්ධයෙන් එවැනි තීරණයක් ගැනීම වුවත් කිසිදවසක ආණ්ඩුව හාමු මහත්තයට අත නොතබන බව තමන් සහතික කොට පවසන බවයි ජයවීර මහතා සඳහන් කරන්නේ.
”අපි හිතුවේ එතුමා ආව ගමන් අර්ජුන් මහේන්ද්‍රන්ව ඇතුළට දායි කියල. රනිල් වික්‍රමසිංහ ඇතුළට දායි කියල. බැසිල් රාජපක්ෂ ඇතුළට දායි කියල. නාමල් රාජපක්ෂව ඇතුළට දායි කියල. එතුමා අන්තිමට පාරම්බාන්නේ කවුරු ඇතුළට දාලද.කවුරු ඇතුලට දාලද නිර්ධන පාංතික මාක්ස්වාදී යැයි කියපු එතුමා කවුද ඇතුළට දාලා තියෙන්නේ. ඉස්කෝලෙත් ගියේ නෑ කියල එතුමාම කියනවා. වඩේ වික්කයි කියපු,මට ඉංග්‍රීසි බැහැ කියපු මගේ බඩ ගැන මට මුකුත් කියන්න එපා කියපු මේ මහපොළවෙන් මතු වෙච්ච ඔවුන්ම කතා කරන නිර්ධන පාන්තික චාමර සම්පත් බැංකුවකින් අනුග්‍රාහකත්වයක් අරගන්න කටයුතු කරලා ඒකෙ තියෙන නීතිමය හිඩස පාවිච්චි කරලා කොහොමහරි එතුමාව ඇතුළට දාගත්තා කියන්නකෝ. දැන් දාගෙන පාරම්බානවනේ අපි දැම්මා චාමර ඇතුළට කියල. මිනිස්සු බලාගෙන ඉන්නේ ඒකද?මිනිස්සු බලාගෙන ඉන්නේ රනිල් වික්‍රමසිංහ ඇතුළට දානකම්. දායිද ඇතුළට? ඒක තමයි අපි අහන්නේ. හාමු මහත්තයට අත තියන්නේ නැහැ. මම අද කිව්වා මියල මතක තියාගන්න.”
ඔහු මෙම අදහස් දක්වා සිටියේ ඊයේ (02) සර්ව ජන බලය විසින් කැඳවා තිබුණු මාධ්‍ය හමුවේදීය.
ආශිකා බ්‍රාහ්මණ
