රෂිකා හෙන්නායක අප්රේල් 04 , කොළඹ LNW :
ලෝක බැංකුව සහ ශ්රී ලංකා රජය එක්ව 2026-2030 වසර සඳහා හඳුන්වා දුන් නව හවුල්කාරිත්ව රාමුව මගින් මෙරට ආර්ථිකයේ පුළුල් පරිවර්තනයක් අපේක්ෂා කෙරේ.
ජාත්යන්තර මූල්ය සංස්ථාව හරහා ඇමරිකානු ඩොලර් බිලියනයකට අධික මුදලක් පෞද්ගලික අංශය ඉලක්ක කරගනිමින් ආයෝජනය කිරීමට මෙහිදී සැලසුම් කර ඇත.
වරාය, බලශක්තිය, කෘෂිකර්මය සහ සංචාරක වැනි ප්රධාන ක්ෂේත්ර නංවාලීම මගින් 7%ක වාර්ෂික වර්ධන වේගයක් අත්පත් කර ගැනීම මෙම වැඩපිළිවෙළේ මූලික අරමුණයි.
මීට අමතරව, තරුණයන් සහ කාන්තාවන් සවිබල ගැන්වීමත්, දේශගුණික විපර්යාස හමුවේ රටේ ආර්ථික ඔරොත්තු දීමේ හැකියාව වර්ධනය කිරීමත් මෙහි විශේෂත්වයකි.
මෙම මූලෝපායික මැදිහත්වීම හරහා දිවයින පුරා නව රැකියා අවස්ථා උත්පාදනය කරමින් තිරසාර සංවර්ධනයක් කරා ගමන් කිරීමට අපේක්ෂිතය.
