සටහන: සශිකලා මධුෂාණි
අප්රේල් මස 05; ලෝකය(අවුට්බවුන්ඩ් ටුඩේ): ඉදිරි පැය 48ක් ඇතුළත සාම ගිවිසුමකට එළඹෙන්නේ නැත්නම් ටෙහෙරානයේ අත්යවශ්ය යටිතල පහසුකම් විනාශ කරන බවට ඇමරිකානු ජනාධිපති ඩොනල්ඩ් ට්රම්ප් කළ තර්ජනය ඉරානය ප්රතික්ෂේප කර තිබේ.
ජනාධිපති ට්රම්ප්ගේ ප්රකාශය සම්බන්ධයෙන් විශේෂ නිවේදනයක් නිකුත් කරමින් ඉරාන රජය ප්රකාශ කර තිබුණේ, එය අසරණ, නොසන්සුන්, අසමතුලිත සහ මෝඩ ක්රියාවක්වන බවත්, නිරයේ දොරටු ඔබ වෙනුවෙන් විවෘත වනු ඇති බවත්, ඉරානයේ යටිතල පහසුකම්වලට එල්ල වන ඕනෑම එක්සත් ජනපද හෝ ඊශ්රායල ප්රහාරයක් මැද පෙරදිග සියලුම එක්සත් ජනපද හමුදා වත්කම්වලට සහ ඊශ්රායල යටිතල පහසුකම් ඉලක්ක වනු ඇති බවත්ය.
පසුගිය මාර්තු 21 වන දින ට්රම්ප් විසින් ද එවැනිම අනතුරු ඇඟවීමක් නිකුත් කරන ලද අතර, පැය 48 ක් ඇතුළත හෝමූස් සමුද්ර සන්ධිය සම්පූර්ණයෙන්ම විවෘත කිරීමට අපොහොසත් වුවහොත් ඉරාන බලාගාර “පහර දී විනාශ කරන” බවට තර්ජනය කළේය. ඉන් අනතුරුව ට්රම්ප් ඉරාන රජයේ ඉල්ලීම මත යයි පවසමින් මාර්තු 26 වන දින ඉරානයට දින 10 ක කාල සීමාවක් ලබා දී තිබූ අතර, අප්රේල් 6 වන දින දක්වා එය දීර්ඝ කරන ලදී.
කෙසේ නමුත් ඊයේ(03) දිනය වන විටත් ඉරානයට එරෙහි ඇමරිකා-ඊශ්රායල් යුද්ධය අවසන් වීමේ සේයාවක්වත් දක්නට නොලැබෙන අතර යුද්ධය හේතුවෙන් මේ වන විට ඉරානයේ පුද්ගලයින් 3,500 කට වැඩි පිරිසක් මිය ගොස් ඇති අතර ඉරානයේ 1,300 කට වැඩි පිරිසක් මියගොස් ඇති අතර ඊශ්රායලය සහ එක්සත් ජනපදය පිළිවෙලින් මරණ 19 ක් සහ 13 ක් වාර්තා කර ඇත. ඉරාකයේ අවම වශයෙන් පුද්ගලයින් 108 ක් මිය ගොස් ඇති අතර එක්සත් අරාබි එමීර් රාජ්යය, කටාර් සහ කුවේට් යන රටවල මරණ සංඛ්යාව පිළිවෙලින් 12 ක්, හත් දෙනෙක් සහ හත් දෙනෙක් ලෙස වාර්තා වී ඇත.
