රෂිකා හෙන්නායක අප්රේල් 05, කොළඹ LNW :
ශ්රී ලංකාව සහ චීනය අතර පවතින සත් දශකයක රාජ්යතාන්ත්රික සබඳතාව සැමරීම වෙනුවෙන් බීජිං නුවරදී විශේෂ සමරු ග්රන්ථයක් එළිදක්වා ඇත.
ප්රවීණ රාජ්යතාන්ත්රිකයෙකු වන ආනන්ද කුමාරසිරි මහතා විසින් රචිත මෙම කෘතිය හරහා මෙරට සංස්කෘතික උරුමය සහ දෙරට අතර පවතින ඓතිහාසික මිත්රත්වය පිළිබඳව මනාව විග්රහ කෙරේ.
මෙම උත්සවයේදී අදහස් දැක්වූ තානාපති මජින්ත ජයසිංහ මහතා සඳහන් කළේ දෙරටේ හවුල්කාරිත්වය අනාගත පරපුරට මහඟු ආදර්ශයක් වන බවයි.
නවීන තාක්ෂණය, පුනර්ජනනීය බලශක්තිය සහ කාර්මික සංවර්ධනය වැනි ක්ෂේත්ර හරහා ද්විපාර්ශ්වික සහයෝගීතාව තවදුරටත් වර්ධනය කරගැනීමේ හැකියාව මෙහිදී අවධාරණය කෙරිණි.
ජාත්යන්තර මට්ටමේ රාජ්ය නිලධාරීන් රැසකගේ සහභාගීත්වයෙන් පැවැත්වුණු මෙම අවස්ථාව, දෙරට අතර පවතින සමීප අන්තර් සබඳතාවය යළි තහවුරු කරන සන්ධිස්ථානයක් ලෙස හඳුන්වා දිය හැකිය.
