කොළඹ 10, ඩාර්ලි පාරේ පිහිටි ශ්‍රී ලංකා නිදහස් පක්ෂ මූලස්ථානයේ තිබූ වැදගත් ලිපිගොනු කිහිපයක් අතුරුදන්ව ඇති බවට එම පක්ෂයේ වැඩබලන මහලේකම් දුෂ්මන්ත මිත්‍රපාල මහතා මරදාන පොලීසියට පැමිණිලි කර තිබේ.
එසේ අතුරුදන්ව ඇති ලිපිගොනු අතර, එම පක්ෂයේ පරිපාලනයට සම්බන්ධ ඉතාම වැදගත් ලේඛන කිහිපයක් ද වන්නේ යැයි එම පැමිණිල්ලේ සඳහන්ව ඇති බව වාර්තා විය.
එම පැමිණිල්ල සම්බන්ධයෙන් මේ වනවිටත් විමර්ශන ආරම්භ කර ඇති අතර ශ්‍රීලනිප මූලස්ථානයේ සේවකයින් ඇතුළු කිහිපදෙනෙකුගෙන් ඉදිරියේදී ප්‍රකාශ සටහන් කරගැනීමට ද නියමිත බවත් පොලිස් ආරංචිමාර්ග සඳහන් කළේය.
RN
