*
දේශීය පුවත් විස්තරය: සාරාංශය 04/06
- ඉදිරි වසර 75 තුළ ජාතියේ ප්‍රගමනය සඳහා දැනුම පදනම් වූ සමාජයක් කරා යන ගමන අවධාරනය කරමින් දැනුම අලුත් කිරීම අධ්‍යාපන ක්ෂේත්‍රය තුළ ප්‍රධාන කාර්යයක් ලෙස පවතින බව ජනාධිපති රනිල් වික්‍රමසිංහ මහතා අවධාරණය කළේය. අධ්‍යාපනයේ නව කුළුණු ලෙස නවීන තාක්‍ෂණයේ සහ දැනුමේ වර්ධනය වන භූමිකාව පිළිගනිමින්, ආර්ථික දක්‍ෂතාවය කුමක් වුවත්, ගෝලීය පරිවර්තනයන් සමඟ ඉදිරියට යාමට අපොහොසත් වීම ප්‍රගතියට බාධාවක් වනු ඇතැයි ඔහු අනතුරු ඇඟවීය.
- සමගි ජන බලවේගය බලයට පත් වූ පසු උතුරු නැගෙනහිර සංවර්ධනය කිරීම සඳහා ජාත්‍යන්තර ආධාර සමුළුවක් කැඳවන බව විපක්ෂ නායක සජිත් ප්‍රේමදාස පැවසීය. ඔහු මේ බව කියා සිටියේ මුලතිව් ප්‍රදේශයේ තන්නීරුට්ටු මුස්ලිම් පාසලට ඩිජිටල් පන්ති කාමරයක් සඳහා අවශ්‍ය උපකරණ බෙදාදීමේ උත්සවයක් අමතමිනි.
- මූල්‍ය වංචාවක් සම්බන්ධයෙන් අපරාධ පරීක්ෂණ දෙපාර්තමේන්තුව (CID) විසින් අත්අඩංගුවට ගත් රංගන ශිල්පිනී දමිතා අබේරත්න සහ ඇයගේ සැමියා කොළඹ කොටුව මහේස්ත්‍රාත් අධිකරණයේ නියෝග මත රක්ෂිත බන්ධනාගාර ගත කර තිබේ. ඒ අනුව අඹුසැමි යුවළ අප්‍රේල් 17 වැනිදා දක්වා රක්ෂිත බන්ධනාගාරගත කිරීමට නියමිතයි.
- වසර 10කට පමණ පසු දඹුල්ල ආර්ථික මධ්‍යස්ථානයේ එළවළු මිල අඩුම අගයට පහත වැටී ඇත. දඹුල්ල ආර්ථික මධ්‍යස්ථානයට දෛනිකව ලැබෙන එළවළු ප්‍රමාණය ඉහළ යාම හේතුවෙන් මිල පහත වැටී ඇති බව දඹුල්ල ආර්ථික මධ්‍යස්ථානයේ වෙළෙන්දෝ පැවසූහ.
- ජනාධිපති රනිල් වික්‍රමසිංහ මහතා බලයට පත්වීමෙන් පසු 2024 පෙබරවාරි දක්වා කාලය තුළ ශ්‍රී ලංකා රජය ඩොලර් මිලියන 1909.7 ක විදේශ ණය සහ පොලී ගෙවීම් පියවා ඇති බව ජනාධිපති ප්‍රජා කටයුතු අධ්‍යක්ෂ ජනරාල් රජිත් කීර්ති තෙන්නකෝන් මහතා පවසයි. විදේශ සම්පත් දෙපාර්තමේන්තුවට අනුව ආසියානු සංවර්ධන බැංකුවට ඇමෙරිකානු ඩොලර් මිලියන 760.1ක් සහ ආසියානු යටිතල පහසුකම් ආයෝජන බැංකුවට ඇමෙරිකානු ඩොලර් මිලියන 7.0ක් ගෙවා ඇත.
- මාධ්‍ය වෙත අදහස් දක්වමින් සියඹලාපිටිය ප්‍රකාශ කළේ සංචාරක ව්‍යාපාරය සඳහා බස් රථ 250ක් සහ වෑන් රථ 750ක් ආනයනය කිරීමට අමාත්‍ය මණ්ඩලය අනුමැතිය ලබාදුන් බවයි. සංචාරක ප්‍රවාහනය සඳහා දැනට භාවිත කරන වාහනවල පවතින අසතුටුදායක සහ ප්‍රමාණවත් නොවන තත්ත්වයන් සැලකිල්ලට ගෙන සංචාරක ප්‍රවාහනය සඳහා කර්මාන්තයේ නියැලෙන වාහන වසර 6කට වඩා භාවිත නොකළ යුතු බව සඳහන් කර තිබියදීයි මෙම අනුමැතිය ලබාදී ඇත්තේ.
- ශ්‍රී ලංකා නිදහස් පක්ෂය (SLFP) පක්ෂ මූලස්ථානයේ තිබූ ‘වැදගත්’ ලිපිගොනු කිහිපයක් අතුරුදන් වී ඇති බව පවසමින් මරදාන පොලිසියට පැමිණිල්ලක් ඉදිරිපත් කර ඇත. පක්ෂයේ වැඩබලන මහලේකම් දුෂ්මන්ත මිත්‍රපාල මහතා විසින් මෙම පැමිණිල්ල ගොනු කර ඇත.
- ශ්‍රී ලංකාවේ ජංගම දුරකථන මිල ගණන් 18% – 20% කින් පහත වැටී ඇති බව ශ්‍රී ලංකා ජංගම දුරකථන ආනයනකරුවන්ගේ සහ විකුණුම්කරුවන්ගේ සංගමය පවසයි.
- සමාජ මාධ්‍ය නියාමනය කිරීම සඳහා මෑතකදී සම්මත කරන ලද ශ්‍රී ලංකාවේ “මාර්ගගත ආරක්ෂණ පනත” යටතේ පළමු තහනම් නියෝගය කොළඹ මහේස්ත්‍රාත් අධිකරණය විසින් නිකුත් කර ඇත. ශ්‍රී ලංකා මහජන උපයෝගිතා කොමිෂන් සභාවේ (PUCSL) හිටපු සභාපති ජනක රත්නායක මහතා විසින් ගොනු කර තිබූ පැමිණිල්ලක් සලකා බැලීමෙන් අනතුරුව කොළඹ මහේස්ත්‍රාත් ප්‍රසන්න අල්විස් මහතා මෙම නියෝගය නිකුත් කළ බව මාධ්‍ය වාර්තා කරයි.
- ජල සම්පාදන හා වතු යටිතල පහසුකම් සංවර්ධන අමාත්‍ය ජීවන් තොණ්ඩමන් මහතා ලෝක ආර්ථික සංසදය විසින් තරුණ ගෝලීය නායකයෙකු ලෙස පිළිගෙන ඇත. පිරිසිදු ජලය සඳහා ප්‍රවේශය වැඩිදියුණු කිරීම සහ සමාජ සාධාරණත්වය වෙනුවෙන් පෙනී සිටීම සඳහා අමාත්‍යවරයාගේ කාර්යභාරය ඉස්මතු කරමින් ලෝක ආර්ථික සංසදය අමාත්‍ය තොණ්ඩමන්ව තෝරා ගැනීම නිවේදනය කළේය.
