කොළඹ LNW:ශ්‍රී ලංකා නිදහස් පක්ෂයේ සභාපති ලෙස හිටපු ජනාධිපති මෛත්‍රීපාල සිරිසේන මහතාගේ ක්‍රියාකලාපයට විරෝධය දක්වමින් හිටපු ජනාධිපතිනි චන්ද්‍රිකා කුමාරතුංග මහත්මිය කොළඹ දිසා අධිකරණයේ පැමිණිල්ලක් ඉදිරිපත් කරමින් මෛත්‍රීපාල සිරිසේන මහතාගේ පක්ෂ සභාපතිධූරය තාවකාලිකව අත්හිටුවා තිබේ.
එවන් පසුබිමක අද (06) කොළඹ දිසා බලමණ්ඩලය කඩුවෙලදී කැඳවූ අවස්ථාවේ මෛත්‍රීපාල සිරිසේන මහතා ශ්‍රී ලංකා නිදහස් පක්ෂයේ ඉතිහාසයද මතක කරමින් සිරිමාවෝ මැතිණියට එරෙහිව චන්ද්‍රිකා කුමාරතුංග ඇතුළු පවුලේ අය විසින් ශ්‍රී ලංකා නිදහස් පක්ෂය තුනට කැඩූ ආකාරය පැහැදිලි කරන ලදී.
කෙසේවෙතත් තමන් එම කල්ලි කිසිවකට හෝ නොගොස් මැතිණිය සමඟ පක්ෂය ශක්තිමත් කරමින් කටයුතු කළ ආකාරයද එහිදී සඳහන් කළේය.
ආශිකා බ්‍රාහ්මණ
