රටේ ජනතාව මහපාරට බැස විරෝධතා, උද්ගෝෂණ සිදුකරන සෑම මොහොතක් පාසාම රටට හිමිවීමට තිබෙන ඩොලර් අහිමි වන බව අග්‍රමාත්‍ය මහින්ද රාජපක්ෂ මහතා පවසනවා. රට මුහුණ දී තිබෙන අර්බුදවලින් රට බේරා ගැනීමට එය බාධාවක් බවයි අගමැතිවරයා ප්‍රකාශ කරන්නේ.
රට ගොඩනැගීම සඳහා රටේ සියලුදෙනාට ආරාධනා කරන අගමැතිවරයා ඉවසිලිවන්තව, ධෛර්යමත්ව කටයුතු කරන ලෙස ජනතාවගෙන් ඉල්ලා සිටිනවා.
අග්‍රාමාත්‍ය මහින්ද රාජපක්ෂ මහතා ජාතිය අමතා විශේෂ ප්‍රකාශයක් සිදු කරමින් මේ බව සඳහන් කරයි.
බොහෝ අර්බුදවලට හේතුව කොවිඩ් වසංගතය හරහා ඇති වූ ගෝලීය අර්බුදය බවත්, සියලු අර්බුදවලින් රටත් ජනතාවත් බේරා ගැනීමට ආණ්ඩුවට තවමත් හැකියාව තිබෙන බැවින් ඉවසිලිවන්තව කටයුතු කළයුතු බවත් ඔහු පවසනවා.
රටේ ජනතාව විඳින දුෂ්කරතා සම්බන්ධයෙන් ආණ්ඩුව අවබෝධ කරගෙන සිටින බවත්, විවිධ ගැටලුවලින් මිරිකෙමින් සිටින ජනතාවගේ විරෝධය ඉතා සාධාරණ බවත් පෙන්වා දෙන මහින්ද රාජපක්ෂ මහතා පවසන්නේ දිගින් දිගටම විරෝධතා දැක්වීම හේතුවෙන් අර්බුදය තවදුරටත් උග්‍ර වනු ඇති බවයි.
UN
