සටහන – රෂිකා හෙන්නායක
කොළඹ (LNW): කෘෂිකර්ම අමාත්‍යාංශයේ ලේකම් ගුණදාස සමරසිංහ මහතා සඳහන් කළේ, ලෝක අහාර හා කෘෂිකර්ම සංවිධානය විසින් මෙරට යළ කන්නයේ භාවිත කිරීම සඳහා යුරියා මෙට්‍රික් ටොන් 3800 ක් මෙරටට ලබාදීමට තීරණය කර ඇති අතර එම තොගය ලබන සතියේ මෙරටට ලැබෙන බවයි. මෙය යුරෝපා සංගමයේ පරිත්‍යාගයක් ලෙසට එය මෙරටට ලබාදී ඇත.
තවද , යුරියා මෙට්‍රික් ටොන් 31000 ක් යළ කන්නයේ භාවිත කිරීම සඳහා මෙරටට ලැබීමට නියමිතව ඇත.
කෘෂිකර්ම අමාත්‍යාංශය පවසන්නේ , නීති විරෝධීව ගෙන්වන ලද සහ ප්‍රමිතියෙන් බාල කෘමි නාශක ද්‍රව්‍යවලට අදාළ වැටලීම් වැඩි කිරීමටත් ඒවා සොයා බලා අවශ්‍ය නීත්‍යානුකූල පියවර ගන්නා ලෙසටත් පළිබෝධ නාශක රෙජිස්ටාර්වරයාට දන්වා ඇති බවයි.
ඊට අදාළ දඩය ද සංශෝධනය කරන මෙන් ඉල්ලා ඇති බව එහි ලේකම් ගුණදාස සමරසිංහ මහතා සඳහන් කළේය .
