සටහන – රෂිකා හෙන්නායක
කොළඹ (LNW): රේල් පීලි 10,000 ක් චීනයෙන් ආනයනය කිරීමට තීරණය කර තිබෙන අතර , ප්රවාහන අමාත්යාංශය සඳහන් කළේ, ආසියානු සංවර්ධන බැංකු ණය ආධාර යටතේ මෙම රේල් පීලි ආනයනය කරන බවත් ලබන මස අග එම රේල් පීලි තොගය මෙරටට ලැබෙනු ඇති බවයි.
දුම්රිය මාර්ග නඩත්තුවට අවශ්ය ඇණ ඇතුළු අමතර කොටස් රැසක් දිවයිනට ආනයනය කර ඇති බවත් , පීලි තොගය ලැබීමත් සමග දුම්රිය මාර්ග ප්රතිසංස්කරණ ආරම්භ කරන බවත් දුම්රිය දෙපාර්තමේන්තුව පවසයි .
මාර්ග අබලන් වීම හේතුවෙන් මේ වනවිට දුම්රිය ධාවන වේගය බොහෝ ස්ථානවල අඩු කර ඇති අතර ඉන් දැඩි බලපෑමක් මුහුදු බඩ මාර්ගයේ දුම්රිය ධාවනයට එල්ල වී ඇති අතර පසුගිය දා දුම්රිය දෙපාර්තමේන්තුව පියවර ගත්තේ කොළඹ කොටුවේ සිට පානදුර දක්වා දුම්රිය ධාවන වේගය පැයට කිලෝමීටර් 30 ක් දක්වා අඩු කිරීමටයි .
