සටහන – රෂිකා හෙන්නායක
අප්‍රේල් 13, කොළඹ (LNW):සුරාබදු දෙපාර්තමේන්තුවේ විශේෂ කණ්ඩායම් කිහිපයක් යොදවා දිවයින පුරා මෑත කාලයේදී වැටලීම් ක්‍රියාත්මක කර ඇති අතර, මෙහිදී ව්‍යාජ ස්ටිකර් සහිත මත්පැන් වැටලීම් රැසක් කර ඇත, ඒ අනුව මත්පැන් නිෂ්පාදනයේදී දිගින් දිගටම ව්‍යාජ ස්ටිකර් භාවිත කරන ආයතන වසා දැමීමට බලාපොරොත්තු වන බව සුරාබදු කොමසාරිස් ජනරාල් එම්.ජේ.ගුණසිරි පැවසීය.
එලෙස කළ වැටලීම් හේතුවෙන් සුරාබදු දෙපාර්තමේන්තුවේ බදු ආදායම ඉහළ ගිය බවත්, මෙවැනි අත්අඩංගුවට ගැනීම් නිරන්තරයෙන් කරන අතර ඒවාට විරුද්ධව නීතිය ක්‍රියාත්මක කරන බව ද හෙතෙම පැවසීය. දිගින් දිගටම ව්‍යාජ ස්ටිකර් භාවිත කරන ආයතන ඉදිරි කාලයේදී වසා දැමීමට බලාපොරොත්තුවන බව ද ඔහු සඳහන් කරයි.
කොමසාරිස් ජනරාල් එම්.ජේ.ගුණසිරි මහතා පවසන්නේ, සුරාබදු දෙපාර්තමේන්තුවේ මෙම ක්‍රියාමාර්ග හේතුවෙන් දෙපාර්තමේන්තුවට අය විය යුතු බදු ප්‍රමාණය මේ වන විට නිවැරදිව හිමිවන බවයි.
