කොළඹ LNW:මහජන ආරක්ෂක අමාත්‍ය ටිරාන් අලස් නායකත්වය දරන එක්සත් මහජන පක්ෂයේ හදිසි සංශෝධන කිහිපයක් සිදුකර තිබෙන බව වාර්තා වෙයි. ඒ අනුව දේශපාලන මණ්ඩලයට නව සාමාජිකයන් කිහිප දෙනෙකු පත්කර ඇති බවයි වාර්තා වෙන්නේ.
පසුගිය අරගලය සමයේ ක්‍රියාත්මක වූ Black Cap Movement සංවිධානයේ කැඳවුම්කරු ලෙස කටයුතු කළ උපකාරක පන්ති ගුරුවරයකු වන හේමප්‍රිය කවිරත්න මහතා එහි දේශපාලන ලේකම් හා මාධ්‍ය ලේකම් ලෙස පත්කර සඳහන්.
නීතිඥ වජිර රණසිංහ මහතා පක්ෂයේ නීතිකටයුතු ලේකම් ලෙසත්, හිටපු ජ්‍යෙෂ්ඨ පොලිස් නිලධාරියකු වන රංජිත් දසනායක මහතා ජාතික සංවිධායක ලෙසත්, සුමිත් රත්නමල්ල මහතා නියොජ්‍ය ජාතික සංවිධායක ලෙසත් පත්කර තිබේ.
එක්සත් පක්ෂයේ ප්‍රධාන ලේකම් ලෙස කටයුතු කරන්නේ අමාත්‍ය ටිරාන් අලස් මහතාය.
මෙලස පක්ෂය තුළ වෙනස්කම් කිරීම තීරණය වී ඇත්තේ ඉදිරි ජනාධිපතිවරණයේදී වත්මන් ජනාධිපති රනිල් වික්‍රමසිංහ මහතාට සහය දැක්වීමට බවයි කියවෙන්නේ.
ASK
