සටහන – රෂිකා හෙන්නායක
කොළඹ (LNW): කැවුම්, කොකිස්, ආස්මි, පැනිවළලු, අළුවා, කෙසෙල් ඇතුළු අවුරුදු කෑම ඇතුළු තවත් බොහෝ දෑ මේ දින කීපය තුළ ඉතා අධික මිල ගණන් යටතේ වෙළෙඳුන් අලෙවි කරන බවට පාරිභෝගික ජනතාව නිරන්තරයෙන් මැසිවිලි නඟති.
රුපියල් 30 ට 40 ට පැවැති කැවුමක් රුපියල් 60 ත් 80 ත් අතර මිලකටත්,
රුපියල් 30 ට තිබූ කොකිස් එකක් රුපියල් 60 මිලකටත්,
රුපියල් 100 ට පැවැති ආස්මි ජෝඩුවක් රුපියල් 250 මිලකටත්,
රුපියල් 30 ට තිබූ අලුවා කෑල්ලක් රුපියල් 100 මිලකටත්,
රුපියල් 100 ත් 120 ත් අතර මිලකට තිබූ සීනි කෙසෙල් කිලෝවක් රුපියල් 300 මිලකටත්,
රුපියල් 80 ට තිබූ ඇඹුල් කිලෝවක් රුපියල් 320 මිලකටත්,
රුපියල් 280 ටය තිබූ කෝලිකුට්ටු කිලෝව රුපියල් 500 මිලකටත්,
අලෙවි කරන බව ද ඔවූහු කියයි.
කැවිලි ද්‍රව්‍ය නිවසේ සාදා ගැනීමට නොහැකි බවත් , ඒ සඳහා වත්කමක් නොමැති බවත් , සෑදූ කැවිලි මිලදී ගැනීමට ද නොහැකි අධික මිල නිසා බවත් ජනතාව කියා සිටී.
