සටහන: සශිකලා මධුෂාණි
අප්‍රේල් 16; ලෝකය(අවුට්බවුන්ඩ් ටුඩේ): එක්සත් ජනපදයේ හිටපු ජනාධිපති ජෝ බයිඩන් විසින් නව ජනාධිපති ඩොනල්ඩ් ට්‍රම්ප්ට හා ඔහුගේ ප්‍රකෝටිපති මිත්‍රයා වන එලෝන් මස්ක් දැඩිව විවේචනයට ලක්කර ඇති බව වාර්තා වේ.
ඊයේ(15)දිනයේදී චිකාගෝ හි ආබාධිතයන් සඳහා වූ නීතිඥයින්, උපදේශකයින් සහ නියෝජිතයින්ගේ ජාතික සමුළුව අමතමින් ධුරයෙන් ඉවත් වීමෙන් පසු ඔහුගේ පළමු ප්‍රසිද්ධ ප්‍රකාශයේදී, හිටපු ජනාධිපතිවරයා ඔහුගේ පූර්වගාමියා සහ අනුප්‍රාප්තිකයා බලයට පත්වී දින 100කට අඩු කාලයක් තුළ සමාජ ආරක්ෂාවට තර්ජනය කිරීම සම්බන්ධයෙන් සිදුකර ඇති හානිය සම්බන්ධයෙන් දැඩිව විවේචනයට ලක් කරමින් කියා තිබුණේ, මෙතරම් කෙටි කාලයක් තුළ රටට මෙතරම් හානියක් කිරීම විශ්මය ජනක වන බවයි.
‘ෆ්‍රෑන්ක්ලින් රූස්වෙල්ට් සමාජ ආරක්ෂණ පද්ධතිය නිර්මාණය කිරීමෙන් පසු වසර 90 තුළ, මිනිසුන්ට සෑම විටම ඔවුන්ගේ සමාජ ආරක්ෂණ චෙක්පත් ලැබී ඇති බවත්, යුද සමයේදී, අවපාතයන් අතරතුර, වසංගතයක් අතරතුරපවා ඔවුන්ට ඒවා ලැබී තිබුණමුත්, දැන් පළමු වතාවට එය වෙනස් විය හැකිය, එය මිලියන ගණනක් පවුල් සඳහා විපතක් වනු ඇත’ යනුවෙණි.
රාජ්‍ය පිරිවැය අවම කිරීමේ අරමුණෙන් ට්‍රම්ප් විසින් එලෝන් මස්ක්ගේ මුලිකත්වයෙන් පිහිටුවන ලද රජයේ කාර්යක්ෂමතා දෙපාර්තමේන්තුව යටතේ මේ වන විට විශාල වශයෙන් රැකියා කප්පාදු කිරීම් හා විවිධ ආධාර සැපයීම සම්පුර්ණයෙන්ම නැවතා දමා ඇති අතර එම ප්‍රතිපත්තිමය වෙනස්කම් හේතුවෙන් සමාජ ආරක්ෂණය වැඩසටහනේ මෙහෙයුම් කෙරෙහි බලපෑම් කිරීමට පටන් ගෙන ඇති අතර, බොහෝ ප්‍රතිලාභීන් කනස්සල්ලට පත්ව ඇත.
