සටහන – රෂිකා හෙන්නායක
කොළඹ (LNW): අද (17)සිට නැවතත් විශ්වවිද්යාල දේශන ඇතුළු අධ්යයන කටයුතුවලට සහභාගී වන බව විශ්වවිද්යාල ආචාර්යවරුන්ගේ සමිති සම්මේලනය පවසන අතර , උසස් පෙළ පිළිතුරු පත්ර ඇගයීමේ ක්රියාවලියෙන් තවදුරටත් ඉවත්වී සිටින බව එම සම්මේලනය පවසයි .
ආසාධාරණ බදු ප්රතිපත්තිය ඇතුළු ගැටලු කිහිපයකට විරෝධය පල කරමින් විශ්වවිද්යාල ආචාර්යවරුන්ගේ සමිති සම්මේලනය පසුගිය මාර්තු 9 වැනිදා සිට විශ්වවිද්යාල අධ්යයන කටයුතුවලින් ඉවත්වී වෘත්තීය සමිති ක්රියාමාර්ගයක් ආරම්භ කළේ අතර , 2022 උසස් පෙළ විභාගයේ පිළිතුරු පත්ර ඇගැයීම් කටයුතු මේ වනවිට ප්රමාදවී ඇත්තේ , විශ්වවිද්යාල ආචාර්යවරුන්ගේ වෘත්තීය සමිති ක්රියාමාර්ගය හේතුවෙන් ය.
අධ්යාපන අමාත්ය සුසිල් ප්රේමජයන්ත මහතා ප්රකාශ කළේ , පිළිතුරු පත්ර ඇගයීම් කටයුතු සඳහා යහපත් ප්රතිචාරයක් ලැබෙනු ඇතැයි අපේක්ෂා කරන බවත්, පිළිතුරු පත්ර ඇගයීම් කටයුතු ලබන සතිය වනවිට ආරම්භ කිරීමට දැනට සැලසුම් කර ඇති බවත්ය .
