තමන් මේ ආණ්ඩුව බලයට ගෙන ඒමට කටයුතු කළේ මේ ආකාරයෙන් අහිංසක මිනිසුන්ව ඝාතනය කිරීමට නොවන බව කොටුවේ පොඩි හාමුදුරුවෝ හෙවත් අත්තරගම ප්රඥාලංකාර හිමි පවසයි.
සිය සැබෑ දුෂ්කරතාවන්ට එරෙහිව විරෝධතාවයෙහි නියැළෙන ජනතාවට වෙඩිතැබීම සම්පූර්ණයෙන්ම වැරදි ක්රියාවක් වන අතර මෙහි වගකීම සම්පූර්ණයෙන්ම භාරගත යුතු බවත් එහිමි අවධාරණය කරයි.
ජනතාව තමන්ට අකමැති නම් තම දේශපාලනය පිළිබඳ තීන්දුවක් ගැනීමට ජනාධිපති ගෝඨාභය රාජපක්ෂ මහතා සහ මහින්ද රාජපක්ෂ මහතා ද කටයුතු කළයුතු බවයි එහිමි සඳහන් කරන්නේ.
එමෙන්ම තමන් මේ ආණ්ඩුව බලයට ගෙන ඒමට කඩේ ගිය නමුත් එසේ කඩේ ගියේ ඒ අවස්ථාවේ තිබුණු රැල්ලට බව පවසන එහිමි තවදුරටත් මේ ආකාරයෙන් ආණ්ඩුවට ගමනක් නොමැති බවත් ප්රකාශ කළේය.
අත්තරගම ප්රඥාලංකාර හිමි මේ බව පැවසුවේ ඊයේ (19) රාත්රියේදී ඉන්දියාවේ සිට සමාජ මාධ්ය ඔස්සේ ප්රකාශයක් කරමිනි.
RN
