නයිජීරියාවේ පාසල් සිසුන් සම්බන්ධ බවට ප්‍රචලිත වූ කාමුක දර්ශන ඇතුලත් වීඩියෝ පටයක් ප්‍රචලිත වීමත් සමඟ ළමයින් සම්බන්ධ කාමුක දර්ශනවල ඡායාරූප හුවමාරු කිරීම වසර 14ක සිරදඬුවමක් ලැබිය හැකි වරදක් බවට නව නීතියක් එරට සම්මත කර තිබේ.
එරට කීර්තිමත් පාසලක සිසුන් පිරිසක් පසුගිය මාසයේ ඩුබායි සංචාරයක යෙදී සිටියදී මෙම සිද්ධිය රූගත කර තිබේ.
මේ සිදු වීම නිසා එරට ලාගෝස් ප්‍රාන්ත රජය විසින් අදාල පාසල වසා දැමීමට නියෝග කර ඇත.
ගැහැණු ළමයෙකුට අදාල පිරිමි සිසුන් විසින් මත්ද්‍රව්‍ය ලබා දෙන සමාජ මාධ්‍යවල පළ කරන ලද වීඩියෝවක් මෙයට හේතු වී තිබේ.
ලාගෝස් ප්‍රාන්ත නීතිවලට අනුව, බාලවයස්කරුවන් ලිංගික ක්‍රියාකාරකම්වල යෙදීම නීති විරෝධී වේ.
මෙම සිදු වීම මාර්තු 8 සහ 14 අතර ලෝක පාසල් ක්‍රීඩා උළෙලට සහභාගී වූ සිසුන් 76 දෙනෙකුගෙන් පස් දෙනෙකු සම්බන්ධ වූ සිදු වීමකි.
