ඉසුරු පරාක්රම
අප්රේල් 20, කොළඹ (LNW): යුරෝපීය එයාර්බස් සමාගමෙන් ඇ.ඩො. මිලියන 200 කට අධික වන්දියක් ඉල්ලීමට ශ්රීලංකන් ගුවන් සමාගම කටයුතුකර ඇති බව වාර්තා වේ.
ඒ, එයාර්බස් සමාගම විසින් නිශ්පාදිත A330-300 සහ A350-900 මාදිලියේ ගුවන්යානා ශ්රී ලංකාව වෙත මිලදී ගැනීම සම්බන්ධයෙන් මෑත අතීතයේ පැණ නැඟි අභියෝගවලට පිළියමක් වශයෙනි.
ඒ අනුව, පෙර බෙදාහැරීමේ ගෙවීම් ලෙස ඇ.ඩො. මිලියන 23.3 ක මුදලක් ද, මෙරටට ලැබීමට නියමිත A330neo මාදිලියේ ගුවන් යානා හතරකට අදාළව ඇ.ඩො. මිලියන 200 ක වන්දියක් ද එම සමාගමෙන් ඉල්ලා සිටීමට කටයුතු කරන බවයි ශ්රීලංකන් ගුවන් සමාගම පවසා සිටියේ.
මෙම වන්දිය හිමිවීමෙන් A330neo මාදිලියේ ගුවන්යානා මුදල් ගෙවීමකින් තොරව ම ශ්රී ලංකාවට ලැබෙනු ඇති බවයි එම සමාගම පුරෝකථනය කරන්නේ.
A330-300 සහ A350-900 මාදිලියේ ගුවන්යානා ශ්රී ලංකාව වෙත ලබා ගැනීම සම්බන්ධයෙන් විවිධ දුෂ්කරතාවලට මුහුණදීමට සිදු වූ අතර, ගෝලීය බදු ලබා දෙන්නන්ගෙන් ලැබුණු සහයෝගය මත එම ගනුදෙනුවෙන් කොටසක් පමණක් සාර්ථකකර ගැනීමට හැකිවිය.
ශ්රී ලංකාව වෙත A330-300 මාදිලියේ ගුවන්යානා හයක් ද, A350-900 මාදිලියේ ගුවන්යානා හතරක් ද ලබා ගැනීම සඳහා එයාර්බස් සමාගම සමඟ එකඟතාව ඇතිවූයේ 2013 වර්ෂයේවන අතර, එම ගනුදෙනුව අතරවාරයේ සිදු වූ දූෂණ ක්රියාවන් හේතුවෙන් එය සාර්ථක කර ගැනීමට අපොහොසත් විය.
ශ්රීලංකන් ගුවන් සමාගමේ ඉතිහාසය තුළ හටගත්, කුප්රකට එයාර්බස් ගනුදෙනුව නමින් විරුදාවලිය ලත් මෙම සිදුවීම හේතුවෙන් එයාර්බස් සමාගම ශ්රී ලංකාව වෙත ගුවන්යානා විකිණීම සම්බන්ධයෙන් අර්බුදකාරී තත්ත්වයක් මතුවිය.
මෙම සිදුවීම මඟින් සමාගම්වලටත් වඩා ශ්රී ලංකාවේ කීර්තිනාමයට හානියක් ඇති වූ අතර, වර්තමානය තුළ එයාර්බස් සමාගමෙන් වන්දි ඉල්ලා සිටීමට ශ්රීලංකන් ගුවන් සමාගම කටයුතුකර ඇත.
මෙම වන්දි ලබා ගැනීම සඳහා මූලිකත්වය ගෙන ඇත්තේ, ශ්රීලංකන් ගුවන් සමාගමේ අලුතින් පත්කරන ලද සභාපතිවරයා විසිනි. අරමුදල් ද ඇතුළු ව ශ්රීලංකන් ගුවන් සමාගමට අයත් දේ නැවත ලබා ගන්නා බවට වූ දැඩි ස්ථාවරයේ ඔහු පසුවෙයි.
එයාර්බස් සමාගමෙන් වන්දි ලබා ගැනීමට කටයුතු කිරීමට අමතරව, රෝල්ස් රොයිස් සමාගම සමඟ අලුතින් සාකච්ඡා පැවැත්වීමට ද ශ්රීලංකන් ගුවන් සමාගම කටයුතු කරන බවට වාර්තා වේ.
දූෂණ අක්රමිකතා චෝදනා අතින් ශ්රීලංකන් ගුවන් සමාගමේ ඉතිහාසය පිරී ඇති අතර, එම සමාගමේ දෛනික වැඩකටයුතුවලට දේශපාලන අස්ථාවරත්වය ප්රභල හේතුවක් වී ඇති බව සඳහන්.
මේ අතර, ප්රධාන විධායක නිලධාරී තනතුර තවමත් පුරප්පාඩු වී තිබීම ඇතුළු, ශ්රීලංකන් ගුවන් සමාගමේ ජ්යෙෂ්ඨ කලමනාකාර මණ්ඩලයේ වරින්වර ඇති වූ වෙනස්කම් ද එම සමාගමේ මතු ව ඇති අර්බුදකාරී වාතාවරණයට හේතු වී ඇත.
එවන් වාතාවරණයක් තුළ, එයාර්බස් සමාගම සහ ශ්රීලංකන් ගුවන් සමාගම අතර පවතින පළුදු වූ සම්බන්ධතාවය යළි ශක්තිමත්කර ගැනීමේ අවශ්යතාවය මතුව ඇත. එය එසේ සිදුවන්නේ නම්, සිදු වූ පාඩුවට වන්දි ලබා ගැනීම අත්යාවශ්යවනු ඇත.
විශේෂයෙන් ම, ගුවන් සමාගම් සඳහා මෙවන් මිලදී ගැනීම් සිදුකරනවිට සැලකියයුතු මට්ටමක වට්ටම් පවා ලබා දෙන පසුබිමක, ලැයිස්තුගත වටිනාකමට වඩා බෙහෙවින් වැඩි මිලකට එයාර්බස් ගුවන්යානා මිලදී ගැනීම සඳහා අල්ලස් ලබා ගැනීමට ශ්රීලංකන් ගුවන් සමාගම කටයුතුකර ඇති බවට වාර්තාවන නිසා, මෙම සමාගම් දෙක අතර පවතින වෘත්තීමය සම්බන්ධතාවය යළි ගොඩනඟා ගැනීම බෙහෙවින් වැදගත්වනු ඇත.
