සටහන – රෂිකා හෙන්නායක
අප්‍රේල් 21, කොළඹ (LNW): රථ වාහන ආනයනය සඳහා රජය විසින් අවසර ලබා දෙන්නේ නම් භාවිත කරන ලද වාහන ආනයනය කිරීමටද වැඩි ඉඩක් ලබා දිය යුතු බව ලංකා වාහන ආනයනකරුවන්ගේ සංගමය පවසයි.
අවසන් වරට වාහන ආනයනයේ දී පාවිච්චි කරන ලද වාහන සඳහා ලබා දුන් වසර 3 වසර 7ක් දක්වා හෝ ඉහළ දමන ලෙස සභාපති ඉන්දික සම්පත් මෙරිංචිගේ ඉල්ලා සිටී. භාවිත කළ වාහන ආනයනය කළහොත් අලු‍ත් වාහනවලට වඩා අඩු මිලකට ලබා දිය හැකි බවද ලංකා වාහන ආනයනකරුවන්ගේ සංගමය සඳහන් කරයි.
ලංකා වාහන ආනයනකරුවන්ගේ සංගමයේ සභාපති පැවසූවේ, ඒ තුළින් රජයට හිමිවන බදු ආදායමේ වෙනසක්ද සිදු නොවන බවයි.
