ශ්‍රී ලංකා නිදහස් පක්ෂයේ වැඩබලන සභාපතිවරයා වශයෙන් අධිකරණ, බන්ධනාගාර සහ ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය විජේදාස රාජපක්ෂ මහතාව පත්කර තිබේ.
අද (21) පෙරවරුවේ රැස්වූ එම පක්ෂයේ විධායක සභාව විසින් මෙම තීරණය ගෙන ඇත.
මෙම විධායක සභා රැස්වීම පවත්වා තිබුණේ හිටපු ජනාධිපති මෛත්‍රීපාල සිරිසේන මහතාගේ සහභාගීත්වයෙන්, ඒ මහතාට හිතවත් ශ්‍රීලනිප පාර්ශ්වය විසිනි.
හිටපු ජනාධිපතිනී චන්ද්‍රිකා බණ්ඩාරනායක මහත්මිය ගොනු කළ නඩුවක් අනුව මෛත්‍රීපාල සිරිසේන මහතාට පක්ෂ සභාපති ධුරය දැරීම අධිකරණය විසින් අත්හිටුවා ඇති පසුබිමක ශ්‍රීලනිපයේ මෙම විධායක සභා රැස්වීම අද දිනයේ මෙසේ කැඳවා තිබිණි.
එසේම මීට පෙර චන්ද්‍රිකා බණ්ඩාරනායක මහත්මියට හිතවත් ශ්‍රීලනිප පාර්ශ්වය විසින් පක්ෂයේ වැඩබලන සභාපතිවරයා වශයෙන් අමාත්‍ය නිමල් සිරිපාල ද සිල්වා මහතාව පත්කරගෙන තිබිණි.
ඒ අනුව ශ්‍රීලනිපයේ තනතුරු පිළිබඳ ආරවුල තවත් දුරදිග යන ආකාරයක් පෙන්නුම් කෙරෙමින් තිබේ.
RN
