සටහන – රුවන් නෙළුගොල්ල
ඉන්දියාව සමග ජාතික ජන බලවේගයේ ආණ්ඩුව ගිවිසුම් හතක් අත්සන් කර ඇති බවත් ඉදිරියේදී ඒවා සම්බන්ධ තොරතුරු පාර්ලිමේන්තුවට ඉදිරිපත් කිරීමට බලාපොරොත්තු වන අතර ඊට යම් කාලයක් ගතවනු ඇති බවත් කැබිනට් ප්‍රකාශක, සෞඛ්‍ය හා ජනමාධ්‍ය අමාත්‍ය නලින්ද ජයතිස්ස පවසයි.
“අවබෝධතා ගිවිසුම් එකක් නෙවෙයි හතක් අත්සන් කළා. සෞඛ්‍ය, ආරක්ෂක, බලශක්ති සහ ඩිජිටල්කරණය සම්බන්ධයෙන්. මේ සම්බන්ධව අපි පාර්ලිමේන්තුවේදී ප්‍රකාශයක් කළා. ඊට අමතරව අපි බලාපොරොත්තු වෙනවා සමහර කරුණු සම්බන්ධයෙන් දෙපාර්ශ්වයේ එකඟතාවයක් අවශ්‍යයි ඒ තොරතුරු ගැන සඳහන් කරන්න. ඉදිරියේදී ඒ සම්බන්ධයෙන් ඒවා පාර්ලිමේන්තුවට ඉදිරිපත් කරනවා. ඒකට යම් කාලයක් ගතවේවි. ඔව්, අපි අනිවාර්යය වශයෙන්ම ඉදිරියේදී ඒ තොරතුරු …. මේවා අවබෝධතා ගිවිසුම් පමණයි. ඒ තොරතුරු පාර්ලිමේන්තුවට ඉදිරිපත් කරනවා ඉදිරියේදී. එතකලුත් ඉන්න අමාරු නම් තමයි අපි කිව්වෙ තොරතුරු දැනගැනීමේ පනතෙනුත් අහන්න පුළුවන් සමහර දේවල්”
නලින්ද ජයතිස්ස අමාත්‍යවරයා මේ බව පැවසුවේ ඊයේ (අප්‍රේල් 22) පැවති කැබිනට් තීරණ දැනුම් දීමේ මාධ්‍ය හමුව අමතමිනි.
